இலங்கையின் சுற்றுலாத் துறை ஒக்டோபர் மாதத்தில் குறிப்பிடத்தக்க வளர்ச்சியைக் கண்டுள்ளது. இந்த மாதத்தின் முதல் 26 நாட்களில் மட்டும் 137,876 சுற்றுலாப் பயணிகள் நாட்டிற்கு வருகை தந்துள்ளனர்.
இந்த எண்ணிக்கை, 2024 ஆம் ஆண்டில் இதே காலகட்டத்தில் பதிவான 113,189 சுற்றுலாப் பயணிகளுடன் ஒப்பிடுகையில் 21.8 சதவீத அதிகரிப்பு ஆகும்.
இந்த ஆண்டின் ஜனவரி 01 ஆம் திகதி முதல் ஒக்டோபர் 26 ஆம் திகதி வரையான காலப்பகுதிக்குள் நாட்டிற்கு வருகை தந்த மொத்தச் சுற்றுலாப் பயணிகளின் எண்ணிக்கை 1,863,370 ஆகப் பதிவாகியுள்ளது.
இந்த வருடத்தில் (ஜனவரி 01 முதல் ஒக்டோபர் 26 வரை) இலங்கைக்கு அதிகளவான சுற்றுலாப் பயணிகளை அனுப்பிய முதல் ஐந்து நாடுகள் குறித்த விவரம் பின்வருமாறு:
இந்தியா: 416,387 சுற்றுலாப் பயணிகள்
இங்கிலாந்து: 172,926 சுற்றுலாப் பயணிகள்
ரஷ்யா: 130,651 சுற்றுலாப் பயணிகள்
ஜெர்மனி: 114,944 சுற்றுலாப் பயணிகள்
சீனா: 111,189 சுற்றுலாப் பயணிகள்
இந்தியா தொடர்ந்து இலங்கையின் சுற்றுலாச் சந்தையில் முதலிடத்தை வகித்து வருவது குறிப்பிடத்தக்கது.