உலகின் வயதானவர்கள்! – இரட்டை சகோதரிகளின் கின்னஸ் சாதனை!

உலகின் வயதானவர்கள்! – இரட்டை சகோதரிகளின் கின்னஸ் சாதனை!

107 வயதான ஜப்பானிய இரட்டையர்கள் உலகின் வயதானவர்கள் என்ற சாதனையை படைத்து கின்னஸ் புத்தகத்தில் இடம்பெற்றுள்ளனர்.

சகோதரிகளான உமேனோ சுமியாமா மற்றும் கோமே கோடாமா. இவர்கள் 1913, நவம்பர் 5 ஆம் திகதி மேற்கு ஜப்பானில் உள்ள ஷோடோஷிமா தீவில் பிறந்தனர்.

இவர்கள் 11 சகோதரர்களைக் கொண்ட குடும்பத்தில் மூன்றாவது மற்றும் நான்காவது பிள்ளைகளாக பிறந்தார்கள்.

இரு சகோதரிகளும் 107 வயது, 330 நாள்களை கருத்தில் கொண்டு உலகின் வயதான இரட்டையர்கள் என அங்கீகரிக்கப்பட்டுள்ளனர்.

தற்போது தனித்தனியாக ஹோம்களில் வசித்துவரும் இவர்களிடம் கின்னஸ் உலக சாதனைக்கான சான்றிதழ் அளிக்கப்பட்டுள்ளது.

இவர்கள் பிரபல ஜப்பானிய இரட்டை சகோதரிகளான கின் நரிதா மற்றும் ஜின் கேனி ஆகியோரின் 107 ஆண்டுகள் மற்றும் 175 நாள்கள் என்ற முந்தைய சாதனையை முறியடித்துள்ளனர் என்பது குறிப்பிடத்தக்கது.