குஜராத் மாநிலத்தில் விமானத்தை ஹோட்டலாக மாற்றி வடிவமைத்து அசத்தியுள்ளனர்.
குஜராத் மாநிலம் வதோதராவில் விமானத்தை ஹோட்டலாக மாற்றி வடிவமைத்துள்ளனர்.
இதற்காக பெங்களூரில் உள்ள ஒரு நிறுவனத்திடம் இருந்து ஏர்பஸ்-320 ரக விமானம் ஒன்று கொள்வனவு செய்யப்பட்டுள்ளது.
விமானத்தின் ஒவ்வொரு பாகமும் வதோதராவுக்கு கொண்டு வரப்பட்டு ஹோட்டலாக வடிவமைக்கப்பட்டுள்ளது.
ஹோட்டலின் நிர்வாக இயக்குநர் முகி இது தொடர்பில் கூறுகையில், ‘வாடிக்கையாளர்கள் இந்த உணவகத்துக்குள் வரும் போது, நிஜ விமானத்தில் இருப்பது போன்ற உணர்வு ஏற்படும்.
இங்கு பஞ்சாபி, சைனீஸ், இத்தாலியன், மெக்சிகன், தாய், காண்டினெண்டல் உட்பட பல்வேறு வகையான உணவு வகைகள் கிடைக்கும்’ ‘இங்கு வருகை தரும் வாடிக்கையாளர்களுக்கு, விமானத்தில் இருப்பது போன்றே டிக்கெட் ஒன்று கொடுக்கப்படுகிறது.
ஒரே நேரத்தில் 106 பேர் வரை இங்கு அமர்ந்து உணவருந்தலாம்.
இங்குள்ள ஊழியர்கள் விமான பணியாளர்கள் போல உடையணிந்து பணியாற்றுகின்றனர் என்பன போன்ற விசேட அம்சம்களும் இங்கு உண்டு.
இந்த அட்டகாசமான வடிவமைப்பு பொதுமக்களை வெகுவாக ஈர்த்துள்ளது.
#india