2026 ஐசிசி டி20 உலகக் கோப்பையின் சூப்பர்-8 சுற்றில் இன்று நடைபெற்று வரும் முக்கியமான போட்டியில், இந்திய அணி ஜிம்பாப்வே அணிக்கு எதிராக ஒரு இமாலய ஓட்ட எண்ணிக்கையைப் பதிவு செய்துள்ளது.
போட்டியின் நாணய சுழற்சியில் (Toss) வெற்றி பெற்ற ஜிம்பாப்வே அணி, முதலில் களத்தடுப்பை (Fielding) தேர்வு செய்தது. இதன்படி முதலில் துடுப்பெடுத்தாடிய இந்திய அணி, ஆரம்பம் முதலே ஜிம்பாப்வே பந்துவீச்சாளர்களைக் கடுமையாக எதிர்கொண்டது. நிர்ணயிக்கப்பட்ட 20 ஓவர்கள் நிறைவில் இந்திய அணி 4 விக்கெட்டுகளை மாத்திரம் இழந்து 256 ஓட்டங்கள் என்ற மிகப்பெரிய இலக்கை எட்டியுள்ளது.
தற்போது 257 ஓட்டங்கள் எடுத்தால் வெற்றி என்ற கடினமான இலக்கை நோக்கி ஜிம்பாப்வே அணி துடுப்பெடுத்தாடத் தயாராகி வருகிறது. சூப்பர்-8 சுற்றில் இந்திய அணியின் இந்த அதிரடி ஆட்டம் ரசிகர்களிடையே மிகுந்த உற்சாகத்தை ஏற்படுத்தியுள்ளதுடன், அரையிறுதி வாய்ப்பை நோக்கிய இந்தியாவின் பயணத்தை மேலும் பலப்படுத்தியுள்ளது.