நாட்டின் பல்வேறு பகுதிகளில் உள்ள வர்த்தக நிலையங்களுக்குச் சென்று, காசாளர்களை (Cashiers) மிகவும் சூட்சுமமான முறையில் ஏமாற்றிப் பணம் பறித்து வந்த 42 வயதுடைய நபர் ஒருவர் இன்று காலை கொட்டாவையில் வைத்துப் பொலிஸாரால் கைது செய்யப்பட்டுள்ளார்.
ரத்மலானை பகுதியைச் சேர்ந்த 42 வயதுடையவர்.கைது செய்யப்பட்ட இடம்: கொட்டாவை நகரில் வைத்து இன்று (19) காலை கைது செய்யப்பட்டார்.
வர்த்தக நிலையங்களுக்குச் செல்லும் இவர், அங்கிருக்கும் ஊழியர்கள் மற்றும் காசாளர்களின் கவனத்தைத் திசைதிருப்பி, மிகவும் நுணுக்கமான முறையில் பணத்தை அபகரித்துத் தப்பிச் செல்வதை வழக்கமாகக் கொண்டுள்ளார்.
இவரது நூதன மோசடிகள் குறித்துப் பல பொலிஸ் பிரிவுகளில் முறைப்பாடுகள் பதிவாகியுள்ளன. ரத்மலானை, கல்கிசை, மகரகம மற்றும் திஸ்ஸமஹாராம உள்ளிட்ட நாட்டின் பல்வேறு பாகங்களில் உள்ள வர்த்தக நிலையங்களை இவர் குறிவைத்துள்ளார்.
இவ்வாறு ஏமாற்றிப் பெற்ற பணத்தை இவர் போதைப்பொருள் வாங்குவதற்காகப் பயன்படுத்தியுள்ளமை முதற்கட்ட விசாரணைகளில் தெரியவந்துள்ளது.
சந்தேகநபர் இன்று (19) நீதிமன்றத்தில் ஆஜர்படுத்தப்படவுள்ளார். இவரால் பாதிக்கப்பட்ட ஏனைய வர்த்தகர்கள் யாராவது இருந்தால், அவர்கள் கொட்டாவை பொலிஸ் நிலையத்தில் முறைப்பாடு செய்ய முடியும் என அதிகாரிகள் தெரிவித்துள்ளனர். மேலதிக விசாரணைகளைக் கொட்டாவை பொலிஸார் முன்னெடுத்து வருகின்றனர்.
