டெல்டா கொரோனா வைரஸைக் காட்டிலும், தென்னாபிரிக்காவில் ஒரு புதிய மாறுபாடு வைரஸ் ஒன்று அடையாளம் காணப்பட்டுள்ளது என அல்-ஜசீரா செய்தியில் தெரிவிக்கப்பட்டுள்ளது.
இந்த புதிய வகை வைரஸ் C.1.2 மாறுபாடு என்று குறிப்பிடப்படுகிறது.
பிறழ்வுகளின் எண்ணிக்கை மற்றும் அதன் வகைகள் காரணமாக விஞ்ஞானிகளின் கவனத்தை இந்த வைரஸ் திரும்பிப் பார்க்க வைத்துள்ளது.
C.1.2 புதிய மாறுபாடு வைரஸ் சீனாவில் முதன் முதல் தோன்றிய கொரோனா வைரஸ்களை விட அதிக பிறழ்வுகளைக் கொண்ட ஒரு மாறுபாடு என ஆராய்ச்சியில் கண்டறியப்பட்டுள்ளது.
தென்னாபிரிக்காவின் தொற்றுநோய்களுக்கான தேசிய நிறுவனம் வெளியிட்ட முன்கூட்டிய ஆய்வில், C .1.2 மாறுபாடு மே 2021 இல் கற்டெங் மற்றும் ம்புமாலங்கா மாகாணங்களில் முதலில் அடையாளம் காணப்பட்டது.
தென்னாபிரிக்க மாகாணங்களிலும், கொங்கோ, மொரிஷியஸ், நியூசிலாந்து, போர்த்துக்கல் மற்றும் சுவிட்சர்லாந்து மற்றும் ஜனநாயக குடியரசிலும் காணப்பட்டுள்ளது.
Leave a comment