நீதிமன்ற உத்தரவின் பேரில் தெஹிவளை தேசிய மிருகக்காட்சிசாலையில் கூண்டில் அடைக்கப்பட்டிருந்த ஒரு வெள்ளைப் புறாவை, அதனை அடைத்து வைத்திருந்த விலங்குகளுக்குப் பொறுப்பான ஊழியர் ஒருவர், புறா உணவுடன் மிருகக்காட்சிசாலைக்கு அருகிலுள்ள சாலையில் எடுத்துச் சென்று கொண்டிருந்த போது பொலிஸாரால் கைது செய்யப்பட்டுள்ளார்.
நீதிமன்ற உத்தரவுக்கு உட்பட்டுப் பாதுகாக்கப்பட்டிருந்த வெள்ளைப் புறாவை அந்த ஊழியர் சட்டவிரோதமாகக் கடத்திச் செல்ல முயன்றுள்ளார்.
இது தொடர்பாக மிருகக்காட்சிசாலை அதிகாரிகள் தெஹிவளை பொலிஸில் புகார் அளித்துள்ளனர்.
கைது செய்யப்பட்ட சந்தேக நபர் தெஹிவளையிலுள்ள கௌடான பகுதியைச் சேர்ந்த 37 வயதுடையவர் என்றும், 10 ஆண்டுகளுக்கும் மேலாக மிருகக்காட்சிசாலைத் துறையில் பணியாற்றிய அனுபவம் வாய்ந்தவர் என்றும் பொலிஸார் தெரிவித்தனர்.