இந்தியாவுடனான வர்த்தக மற்றும் முதலீட்டு உறவுகளை மீண்டும் உயிர்ப்பிக்க, சமீபத்தில் முடிவடைந்த பிரித்தானிய – இந்தியா சுதந்திர வர்த்தக ஒப்பந்தத்திலிருந்து (FTA) இலங்கை பாடங்களைக் கற்றுக்கொள்ள வேண்டும் இந்திய – இலங்கை வர்த்தக மற்றும் தொழில்துறை சபை கூறியுள்ளது.
மேலும், இதேபோன்ற இருதரப்பு ஒப்பந்தத்தை விரைவாக செயல்படுத்த வேண்டும் என்றும் அழைப்பு விடுத்துள்ளது.
பிரித்தானிய பொருளாதாரத்திற்கு ஆண்டுதோறும் 4.8 பில்லியன் யூரோவை சேர்க்கும் அதே வேளையில், இரு நாடுகளுக்கும் இடையே ஆழமான சந்தை அணுகல் மற்றும் முதலீடுகளுக்கான கதவுகளைத் திறக்கும் என்று எதிர்பார்க்கப்படுகிறது என அறிவித்துள்ளது.
பிரித்தானிய – இந்தியா FTA-வை மேற்கோள் காட்டி, இலங்கை அதன் புவியியல் அருகாமை மற்றும் இந்தியாவுடனான தற்போதைய உறவுகள் காரணமாக இன்னும் அதிக இலாபம் ஈட்டும் என்று குறித்த சபை தெரிவித்துள்ளது.
“நன்கு கட்டமைக்கப்பட்ட இருதரப்பு ஒப்பந்தத்தின் மூலம் என்ன சாதிக்க முடியும் என்பதற்கு இது ஒரு சக்திவாய்ந்த எடுத்துக்காட்டு.
இந்தியாவுடன் ஈடுபடுவதற்கு இலங்கை , பிரித்தானியாவை விட புவியியல் ரீதியாக மிகவும் சிறந்த நிலையில் உள்ளது.
நாங்கள் நெருக்கமான கலாச்சார, வரலாற்று மற்றும் பொருளாதார உறவுகளைப் பகிர்ந்து கொள்கிறோம்,
மேலும் இந்தியா எங்கள் மிகப்பெரிய வர்த்தக பங்காளியாக உள்ளது,” என்று குறித்த சபை தெரிவித்துள்ளது.