இலங்கையின் இளம் பாடகி யோகானி டி சில்வா பாடிய மெனிகே மகே ஹிதே பாடலின் வயலின் பதிப்பு தன்னை மிகவும் கவர்ந்துள்ளதாக இலங்கைக்கான அமெரிக்க தூதுவர் கூறியுள்ளார்.
இந்த நிலையில் யோகானி டி சில்வா பாடிய இந்தப் பாடலின் வயலின் பதிப்பைக் கேட்டு மகிழ்ந்ததாக இலங்கைக்கான அமெரிக்க தூதுவர் அலைனா பி. டெப்லிஸ் தெரிவித்துள்ளார்.
இந்தப் பாடலின் வயலின் பதிப்பை கேட்டு தான் மிகவும் மகிழ்ச்சியடைந்துள்ளேன் என அவர் தனது டுவிட்டர் பதிவில் தெரிவித்துள்ளார்.
அதில், ‘இசை ஒரு உலகளாவிய மொழி என்பதற்கு இது ஒரு சான்று’ எனவும் அவர் குறிப்பிட்டுள்ளார்.
உக்ரேனிய நாட்டைச் சேர்ந்த புரோட்சென்கோ தனது யூடியூப் அலைவரிசையில் ஒரு காணொளியை வெளியிட்டுள்ளார், அதில் ‘மெனிகே மகே ஹிதே’ என்ற பாடலுக்கு தாம் வயலின் வாசிப்பதை அவர் பதிவிட்டுள்ளார்.
இந்த காணொளியை தனது டுவிட்டர் பக்கதில் பதிவிட்டுள்ள அமெரிக்க தூதுவர் தனது கருத்துகளையும் பதிவு செய்துள்ளார்.