இலங்கை பொருளாதாரத்தில் தளம்பல் நிலை
இலங்கையின் ஸ்திரத்தன்மைக்கான ஆரம்ப அறிகுறிகள் இருந்த போதிலும், முழு மீட்பு இன்னும் உறுதி செய்யப்படவில்லை என்று சர்வதேச நாணய நிதியம் கூறுகிறது.
சர்வதேச நாணய நிதியத்தின் ஆராய்ச்சித் திணைக்களத்தின் சிரேஷ்ட அதிகாரியான டேனியல் லீ, இலங்கை மக்கள் குறிப்பிடத்தக்க பின்னடைவை வெளிப்படுத்தியுள்ளனர்.
பாரிய சவால்களுக்கு முகங்கொடுத்து, கடினமான ஆனால் மிகவும் தேவையான சீர்திருத்தங்களை நடைமுறைப்படுத்துவதில் இலங்கை பாராட்டத்தக்க முன்னேற்றத்தை அடைந்துள்ளது.
இந்த சீர்திருத்தங்கள் ஏற்கனவே பலனைத் தருகின்றன, இதன்படி பொருளாதாரம் ஸ்திரத்தன்மைக்கான தற்காலிக அறிகுறிகளைக் காட்டுகிறது.
பணவீக்கம் ஒரு வருடத்திற்கு முன்னர் செப்டம்பர் 2022 இல் 70 சதவீதமாக உச்சத்தில் இருந்தநிலையில், 2023 செப்டம்பரில் 2 சதவீதத்திற்கும் கீழே குறைந்துள்ளது.
மொத்த சர்வதேச கையிருப்பு அதிகரித்துள்ளது. மேலும் அத்தியாவசியப் பொருட்களின் தட்டுப்பாடு குறைந்துள்ளது இந்தநிலையில் நிலைப்படுத்தலின் ஆரம்ப அறிகுறிகள் இருந்தபோதிலும் முழு மீட்பு இன்னும் உறுதி செய்யப்படவில்லை என்றும் டேனியல் லீ கூறியுள்ளார்.
வளர்ச்சி வேகம் தாழ்ந்த நிலையில் உள்ளது. மொத்த உள்நாட்டு உற்பத்தி ஆண்டுக்கு ஆண்டு அடிப்படையில் 3.1 சதவிகிதம் சுருங்குகிறது. அத்துடன் உயர் அதிர்வெண் பொருளாதார குறிகாட்டிகள் கலவையான சமிக்ஞைகளை வழங்குகின்றன என்றும் அவர் தெரிவித்துள்ளார்.
எனவே நிலையான சீர்திருத்தங்களே, நீடித்த மீட்சி மற்றும் நிலையான வளர்ச்சி நோக்கி பொருளாதாரத்தை முன்னெடுத்துச் செல்ல முக்கியமானதாக இருக்கும் என்று டேனியல் லீ தெரிவித்துள்ளார்.