நத்தார் பண்டிகை மற்றும் தற்போது நடைபெற்று வரும் பாடசாலை விடுமுறைக்காலத்தில் அதிவேக நெடுஞ்சாலைகளின் சுங்க வரி வருமானம் குறிப்பிடத்தக்க வளர்ச்சியைப் பதிவு செய்துள்ளது.
குறிப்பாக கடந்த 27 ஆம் திகதியன்று அதிகபட்சமாக 62 மில்லியன் ரூபாய் வருமானம் ஈட்டப்பட்டுள்ளதுடன் 26ஆம் திகதியன்று 58 மில்லியன் ரூபாயும், 28 ஆம் திகதியன்று 57 மில்லியன் ரூபாயும் வருமானமாகப் பெறப்பட்டது.
நத்தார் தினத்தன்று 54 மில்லியன் ரூபாய் வருமானம் பதிவானது. பண்டிகை கால விடுமுறைக்கு முன்னதாக மக்கள் அதிகளவில் பயணம் செய்தமையால், 24 ஆம் திகதியன்று வருமானம் 61 மில்லியன் ரூபாவாக காணப்பட்டது.
இந்த உயர்ந்த வருமானப் புள்ளிவிபரங்கள், நத்தார் மற்றும் பாடசாலை விடுமுறையை முன்னிட்டு குடும்பங்களும் சுற்றுலாப் பயணிகளும் நாட்டின் பல்வேறு பகுதிகளுக்குப் பயணம் செய்தமையால் அதிவேக நெடுஞ்சாலைகளின் பயன்பாடு கணிசமாக அதிகரித்துள்ளதைச் சுட்டிக்காட்டுகின்றன.
