ஐசிசி தரவரிசை : பந்து வீச்சில் முன்னேறிய இலங்கை வீரர்

ஐ.சி.சி(icc) ஆடவர் ஒருநாள் பந்துவீச்சு தரவரிசையில்  இலங்கை அணியின் (sri lanka cricket team)சுழற்பந்து வீச்சாளர் மஹீஷ் தீக்சன(Maheesh Theekshana) மூன்றாவது இடத்திற்கு முன்னேறியுள்ளார்.

7வது இடத்திலிருந்த தீக்சன 4 இடங்கள் முன்னேறி மூன்றாவது இடத்தைப் பிடித்துள்ளார். 663 மதிப்பீட்டு புள்ளிகளுடன், ஐ.சி.சி தரவரிசையில் தீக்ச அடைந்த மிக உயர்ந்த நிலை இதுவாகும்.

நியூசிலாந்துக்கு (new zealand)எதிரான மூன்று போட்டிகள் கொண்ட ஒருநாள் தொடரின் இறுதி இரண்டு போட்டிகளில் 7 விக்கெட்டுகளை வீழ்த்திய நிலையில் இவ்வாறு தரவரிசையில் முன்னேற்றம் கண்டுள்ளமை குறிப்பிடத்தக்கது.

தரவரிசையில் ஆப்கானிஸ்தானின்(Afghanistan) ரஷீத் கான்(Rashid Khan) முதலிடத்திலும், இந்தியாவின்(india) குல்தீப் யாதவ்(Kuldeep Yadav) இரண்டாவது இடத்திலும் உள்ளனர்.