லிட்ரோ எரிவாயு விலையில் ஓகஸ்ட் மாதத்தில் திருத்தம் மேற்கொள்ளாமல் இருக்க தீர்மானிக்கப்பட்டுள்ளதாக லிட்ரோ எரிவாயு நிறுவனம் தெரிவித்துள்ளது.
நுகர்வோருக்கு நிவாரணம் வழங்கும் நோக்கில், சர்வதேச சந்தையில் எரிவாயு விலை அதிகரிப்பு மற்றும் நாணய மாற்று வீதங்களில் காணப்படும் சவாலான சூழ்நிலைகளுக்கு மத்தியிலும், ஓகஸ்ட் மாதத்தில் எரிவாயு விலையை அதிகரிக்கபட மாட்டாது என தீர்மானித்ததாக அந்நிறுவனம் குறிப்பிட்டுள்ளது.
அதன்படி, 2026 ஓகஸ்ட் மாதத்திற்காக தற்போது காணப்படும் விலைகளே தொடர்ந்து செல்லுபடியாகும் என்பதுடன்,
12.5 கிலோ கிராம் வீட்டு உபயோக எரிவாயு சிலிண்டர் – ரூ. 4,465
5 கிலோகிராம் எரிவாயு சிலிண்டர் – ரூ. 1,792
2.3 கிலோகிராம் எரிவாயு சிலிண்டர் – ரூ. 835
என்ற விலைகள் தொடர்ந்தும் பேணப்படுமென என லிட்ரோ எரிவாயு நிறுவனம் மேலும் தெரிவித்துள்ளது.
