கிளிநொச்சியில் கூரிய ஆயுதத்தால் தாக்கப்பட்டு கொலை!

கிளிநொச்சி – பரந்தன் பகுதியில் கூரிய ஆயுதத்தால் தாக்கப்பட்டு ஒருவர் கொலைசெய்யப்பட்டுள்ளார்.

புத்தாண்டு தினமான நேற்று இரவு குறித்த நபர் மீது ஒரு குழுவினர் போத்தலால் குத்தி தாக்குதல் நடடத்தியுள்ளனர் என ஆரம்பகட்ட விசாரணைகளில் தெரியவந்துள்ளது.

உயிரிழந்தவர் கார்த்தி (வயது-28) என தெரிவிக்கப்பட்டுள்ளது. அவரின் சடலம் பிரேத பரிசோதனைக்காக
கிளிநொச்சி வைத்தியசாலையில் வைக்கப்பட்டுள்ளது.

விசாரணைகளை ஆரம்பித்துள்ள கிளிநொச்சி பொலிஸார், சம்பவத்துடன் தொடர்புடையவர்கள் என கருதப்படும் சந்தேக நபர்கள் நால்வர் அடையாளம் காணப்பட்டுள்ளனர். மேலதிக விசாரணைகள் இடம்பெற்று வருகின்றன என தெரிவித்துள்ளனர்.