புதிய கண்டுபிடிப்புகள் மற்றும் அறிவுசார் சொத்துரிமை (Intellectual Property) துறையில் சீனா கடந்த 2025 ஆம் ஆண்டில் அசுர வளர்ச்சியைப் பதிவு செய்துள்ளதாக அந்நாட்டின் தேசிய அறிவுசார் சொத்துரிமை நிர்வாகம் (CNIPA) அதிகாரப்பூர்வமாக அறிவித்துள்ளது.
கடந்த 2025 ஆம் ஆண்டில் மட்டும் சீனா மொத்தம் 5.32 மில்லியன் புதிய கண்டுபிடிப்பு காப்புரிமைகளைப் பெற்றுள்ளது. இதில் 972,000 காப்புரிமைகள் ஒரே ஆண்டில் அங்கீகரிக்கப்பட்டவை என்பது குறிப்பிடத்தக்கது.
காப்புரிமை விண்ணப்பங்களைப் பரிசீலிக்கும் காலம் முன்னெப்போதும் இல்லாத வகையில் 15 மாதங்களாகக் குறைக்கப்பட்டுள்ளது. இது கண்டுபிடிப்பாளர்களை ஊக்குவிக்கும் ஒரு முக்கிய நடவடிக்கையாகப் பார்க்கப்படுகிறது.
அதிக மதிப்புமிக்க புதிய கண்டுபிடிப்புகளின் சராசரி விகிதம், ஒவ்வொரு 10,000 பேருக்கும் 16 காப்புரிமைகள் என்ற நிலைக்கு உயர்ந்துள்ளது.
உலகின் தலைசிறந்த 5,000 உலகளாவிய வர்த்தக முத்திரைகளின் (Global Brands) பட்டியலில், சீனாவின் வர்த்தக முத்திரைகளின் மொத்த மதிப்பு 1.81 டிரில்லியன் அமெரிக்க டொலராக உயர்ந்துள்ளது. இந்த மதிப்பின் அடிப்படையில், சர்வதேச அளவில் சீனா இரண்டாம் இடத்தைப் பிடித்துள்ளது.
