ஜெயம் ரவி நடிக்கப்போகும் அடுத்த படம் குறித்து வெளியான புது அப்டேட்.. இயக்குனர் யார் தெரியுமா
தமிழ் சினிமாவில் முன்னணி நடிகராக வலம் வருபவர் நடிகர் ஜெயம் ரவி. இவர் நடிப்பில் வெளிவந்த முதல் படமான ஜெயம் படம் ப்ளாக் பஸ்டர் படமாக அமைந்தது.
பின் அதை தொடர்ந்து, எம்.குமரன் S/o மகாலட்சுமி, தாஸ், மழை, உனக்கும் எனக்கும், தீபாவளி, சந்தோஷ் சுப்ரமணியம், தாம் தூம், பேராண்மை என தொடர்ந்து பல ஹிட் படங்களை கொடுத்தார்.
கடைசியாக இவரது நடிப்பில் சைரன் படம் வெளியாகி இருந்தது, அடுத்ததாக ஜெனி, காதலிக்க நேரமில்லை, பிரதர் போன்ற படங்கள் வெளியாக உள்ளது.
அந்த வரிசையில் தற்போது, ஜெயம் ரவி மற்றும் பிரியங்கா மோகன் இணைந்து நடித்துள்ள பிரதர் படம் அக்டோபர் 31 – ம் தேதி வெளியாக உள்ளது.
இந்த படத்தை ராஜேஷ் இயக்கியுள்ளார், ஹாரிஸ் ஜெயராஜ் இசையமைத்துள்ளார். ஏற்கனவே இப்படத்திலிருந்து வெளிவந்த மக்காமிஷி பாடல் ரசிகர்கள் மத்தியில் நல்ல வரவேற்பை பெற்றது.
இந்நிலையில், ஜெயம் ரவி அடுத்து நடிக்கப்போகும் படம் குறித்து தகவல் வெளியாகி உள்ளது. அதன்படி, ஜெயம் ரவி நடிக்கப்போகும் அடுத்த படத்தை சுல்தான் மற்றும் ரெமோ போன்ற சிறந்த படங்களை இயக்கிய பாக்யராஜ் கண்ணன் இயக்கவுள்ளதாகவும், ரெட்ட தல படத்தின் தயாரிப்பாளரான BTG யுனிவர்சல் இந்த படத்தை தயாரிக்கவுள்ளதாகவும் கூறப்படுகிறது.
