தமிழ் திரையுலகின் இரு பெரும் துருவங்களான விஜய் மற்றும் அஜித் ஆகியோரின் ரசிகர்கள் தொடர்பான இரண்டு முக்கிய தகவல்கள் இன்று சமூக வலைதளங்களில் வைரலாகி வருகின்றன.
விஜய்யின் அரசியல் வருகைக்கு முன்னதான கடைசித் திரைப்படம் எனக் கருதப்படும் ‘ஜனநாயகன்’ நாளை (ஜனவரி 9) வெளியாகவிருந்தது.
தணிக்கை குழுவின் சான்றிதழ் கிடைப்பதில் ஏற்பட்ட சிக்கலால் படத்தின் வெளியீடு கடைசி நேரத்தில் தள்ளிவைக்கப்பட்டுள்ளது. முன்பதிவின் (Pre-booking) மூலமாக மட்டுமே இந்தப் படம் சுமார் ரூ. 65 கோடி வசூலித்திருந்ததாகக் கூறப்படுகிறது. தற்போது படம் ரிலீஸ் ஆகாததால் முன்பதிவு செய்த ரசிகர்கள் பெரும் கவலையடைந்துள்ளனர்.
விஜய் ரசிகர்கள் ஏமாற்றத்தில் இருக்கும் வேளையில், அஜித் ரசிகர்களை உற்சாகப்படுத்தும் விதமாக ஒரு தகவல் வெளியாகியுள்ளது.
கடந்த ஆண்டு வெளியாகி மாபெரும் வெற்றி பெற்ற அஜித்தின் ‘குட் பேட் அக்லி’ (Good Bad Ugly) திரைப்படம் இந்த ஆண்டு பொங்கல் திருநாளை முன்னிட்டு தொலைக்காட்சியில் ஒளிபரப்பாகவுள்ளது. வரும் ஜனவரி 15-ஆம் தேதி மாலை 6.30 மணிக்கு சன் தொலைக்காட்சியில் இந்தப் படம் ஒளிபரப்பாகும் என அறிவிக்கப்பட்டுள்ளது.
முன்னணி நடிகரின் படம் தணிக்கை சிக்கலால் தள்ளிப்போவது தமிழ் சினிமாவிற்கே ஆரோக்கியமானதல்ல எனப் பல திரைப்பிரபலங்கள் விஜய்க்கு ஆதரவாகக் குரல் கொடுத்து வருகின்றனர். அதேநேரம், பொங்கல் விடுமுறை நாட்களில் அஜித்தின் சூப்பர் ஹிட் படத்தை வீட்டில் இருந்தே ரசிக்கலாம் என்பது அவரது ரசிகர்களுக்குப் பெரும் மகிழ்ச்சியை அளித்துள்ளது.
