கமல்ஹாசன் நடிக்கும் இந்தியன் 2 படத்தின் ஆடியோ வெளியீடு, ரிலீஸ் எப்போது?- சூப்பர் அப்டேட்
தமிழ் சினிமாவில் மக்களிடம் பெரிய தாக்கத்தை ஏற்படுத்திய படங்கள் நிறைய உள்ளது, அதில் ஒரு படம் தான் கமல்ஹாசனின் இந்தியன்.
ஷங்கர் இயக்கத்தில் கமல்ஹாசனுடன் மனிஷா கொய்ராலா, ஊர்மிலா, கஸ்தூரி, சுகன்யா மற்றும் கவுண்டமணி ஆகியோர் நடிக்க படம் 1996ம் ஆண்டு வெளியானது.
பின் 21 ஆண்டுகள் கழித்து கடந்த 2017ம் ஆண்டு படத்தின் இரண்டாம் பாகம் குறித்த தகவல் வெளியாகி இருந்தது. படத்தின் அறிவிப்பும் பிக்பாஸ் நிகழ்ச்சி மேடையில் கமல்ஹாசன் அறிவித்தார்.
இந்த நிலையில் இந்தியன் 2 படத்தின் அப்டேட் குறித்து பெங்களூரு மற்றும் சென்னை அணிகளுக்கான ஐபிஎல் போட்டிகளில் பங்கேற்ற கமல்ஹாசன் கூறியுள்ளார்.
ஜூன் மாதம் படத்தின் இசை வெளியீட்டு விழா நடைபெறும் என்றும், ஜூலை மாதம் இந்தியன் 2 திரைப்படம் மற்றும் 2025 ஆம் ஆண்டு ஜனவரி மாதம் இந்தியன் படத்தின் மூன்றாம் பாகமும் வெளியாகும் என்று அறிவிக்கப்பட்டுள்ளது.
