தெலுங்கு திரையுலகில் முன்னணி ஹீரோவாக இருப்பவர் ராம் சரண். இவர் நடிப்பில் பிரம்மாண்ட இயக்குநர் ஷங்கர் இயக்கத்தில் உருவாகி நேற்று வெளிவந்த திரைப்படம் கேம் சேஞ்சர். இப்படத்தை தில் ராஜு தயாரித்திருந்தார்.
கியாரா அத்வானி, அஞ்சலி, சமுத்திரக்கனி, எஸ்.ஜே. சூர்யா, ஜெயராம் உள்ளிட்ட பலரும் இப்படத்தில் நடித்திருந்தனர். மேலும் தமன் இப்படத்திற்கு இசையமைத்திருந்தார்.
பெரிதும் எதிர்பார்க்கப்பட்டு வெளிவந்த இப்படம் மக்கள் மத்தியில் கலவையான விமர்சனங்களை பெற்றுள்ளது. சிலர் இப்படத்தின் மீது கடுமையான விமர்சனங்களையும் முன் வைத்து வருகிறார்கள்.
இந்தியன் 2 படத்தில் விட்டதை கண்டிப்பாக கேம் சேஞ்சர் படத்தில் இயக்குநர் ஷங்கர் பிடித்துவிடுவார் என எதிர்பார்த்த நிலையில், இப்படமும் அவருக்கு கைகொடுக்கவில்லை என்கின்றனர்.
இந்த நிலையில், கேம் சேஞ்சர் திரைப்படம் உலகளவில் முதல் நாள் செய்துள்ள வசூல் குறித்து தகவல் வெளியாகியுள்ளது. அதன்படி, இப்படம் முதல் நாள் உலகளவில் ரூ. 80 கோடிக்கும் மேல் வசூல் செய்துள்ளது.
