இந்திய சினிமாவின் முன்னணி நடிகையான தமன்னா, தற்போது படங்களில் நடிப்பதை விட பாடல்களுக்கு நடனமாடுவதில் புதிய சாதனை படைத்து வருகிறார். சமீபத்தில் கோவாவில் நடைபெற்ற புத்தாண்டு கொண்டாட்டத்தில் அவர் ஆடிய நடனம் மற்றும் அதற்காகப் பெறப்பட்ட சம்பளம் தற்போது பேசுபொருளாகியுள்ளது.
கோவாவில் நடைபெற்ற பிரம்மாண்ட புத்தாண்டு கலை நிகழ்ச்சியில் தமன்னா சிறப்பு நடனமாடினார். சுமார் 6 நிமிடங்கள் நீடித்த இந்த நடன நிகழ்வு, அங்கு கூடியிருந்த ரசிகர்களை உற்சாகத்தில் ஆழ்த்தியது.
இந்த 6 நிமிட நடனத்திற்காக நடிகை தமன்னாவுக்கு ரூ. 6 கோடி சம்பளம் வழங்கப்பட்டதாகத் திரைத்துறை வட்டாரங்கள் தெரிவிக்கின்றன. அதாவது ஒரு நிமிடத்திற்கு ஒரு கோடி ரூபாய் என்ற கணக்கில் அவர் ஊதியம் பெற்றுள்ளார்.
இதன் மூலம் இந்தியத் திரையுலகில் ஒரு பாடலுக்கு அல்லது மேடை நடனத்திற்கு அதிக சம்பளம் வாங்கும் நட்சத்திரம் என்ற அந்தஸ்தைத் தமன்னா எட்டியுள்ளார்.
ஏற்கனவே ‘ஜெயிலர்’ படத்தின் ‘காவாலா’ பாடல் மூலம் உலகளவில் கவனம் ஈர்த்த தமன்னா, தொடர்ந்து ‘ஸ்ட்ரீ 2’, ‘ரெய்டு 2’ மற்றும் ‘KGF’ போன்ற படங்களின் சிறப்புப் பாடல்கள் மூலம் (Item Songs) தனக்கென ஒரு தனி முத்திரையைப் பதித்துள்ளார். தமிழில் ‘அரண்மனை 4’ வெற்றிக்குப் பிறகு தற்போது மூன்று இந்திப் படங்களில் அவர் பிஸியாக நடித்து வருகின்றமை குறிப்பிடத்தக்கது.
