‘தெய்வத்திருமகள்’ படத்தில் நடிகர் விக்ரமுடன் இணைந்து நடித்து ஒட்டுமொத்தத் தமிழ் ரசிகர்களின் மனங்களையும் கொள்ளையடித்த சாரா அர்ஜுன், தற்போது பாலிவுட் திரையுலகின் கவனத்தை ஈர்க்கும் இளம் நாயகியாக உருவெடுத்துள்ளார்.
தனது 6 வயதில் ‘தெய்வத்திருமகள்’ மூலம் அறிமுகமான சாரா, பின்னர் சைவம், சில்லு கருப்பட்டி போன்ற படங்களில் முதிர்ச்சியான நடிப்பை வெளிப்படுத்தினார்.
மணிரத்னத்தின் பொன்னியின் செல்வன் படத்தில் சிறுவயது நந்தினியாக நடித்து அனைவரையும் ஆச்சரியத்தில் ஆழ்த்தினார்.
சமீபத்தில் பாலிவுட் நட்சத்திரம் ரன்வீர் சிங்குடன் இணைந்து ‘துரந்தர்’ (Dhurandhar) படத்தில் நடித்திருந்தார். கடந்த டிசம்பர் 5-ஆம் தேதி வெளியான இப்படம் உலகளவில் 1000 கோடி ரூபாய் வசூலைக் கடந்து மெகா ஹிட் ஆகியுள்ளது.
திரைப்படங்களில் குடும்பப்பாங்கான வேடங்களில் பார்த்துப் பழகிய ரசிகர்கள், தற்போது சாராவின் புதிய தோற்றத்தைக் கண்டு வியந்து போயுள்ளனர். தனது இன்ஸ்டாகிராம் பக்கத்தில் அவர் பகிர்ந்துள்ள சிகப்பு நிற பேக்லஸ் (Backless) ஆடை அணிந்த கிளாமர் புகைப்படங்கள் இணையத்தில் தீயாய் பரவி வருகின்றன.
குழந்தை நட்சத்திரமாக அறிமுகமாகி, இன்று ஆயிரம் கோடி வசூல் சாதனை படைத்த படத்தின் நாயகியாகவும், ஃபேஷன் ஐகானாகவும் மாறியுள்ள சாராவின் வளர்ச்சியை ரசிகர்கள் பாராட்டி வருகின்றனர்.
