பிரபல நடிகை சமந்தா ருத் பிரபுவும், ‘தி ஃபேமிலி மேன்’ (The Family Man) புகழ் இயக்குநரும் திரைக்கதை ஆசிரியருமான ராஜ் நிடிமோருவும் (Raj Nidimoru) இன்று (டிசம்பர் 1) கோயம்புத்தூரில் உள்ள புகழ்பெற்ற ஈஷா யோகா மையத்தில் வைத்துத் தங்களது இரண்டாவது திருமணத்தை முடித்துக் கொண்டனர்.
சமந்தா மற்றும் இயக்குநர் ராஜ் இருவரும் சமீப காலமாகத் தீவிரமாகக் காதலித்து வருவதாகக் கூறப்பட்டது. இவர்கள் இருவரும் தங்கள் உறவை அதிகாரப்பூர்வமாக உறுதிப்படுத்தவில்லை என்றாலும், இருவரும் இணைந்து எடுத்துக் கொண்ட நெருக்கமான புகைப்படங்கள் இந்தக் காதலை உறுதிப்படுத்தின.
இருவரும் இன்று ஈஷா மையத்தில் வைத்துத் திருமணம் செய்து கொண்டனர். இந்தத் திருமணத்தில் இருவருக்கும் மிக நெருக்கமான நண்பர்கள் மட்டுமே கலந்து கொண்டதாகத் தெரிவிக்கப்பட்டுள்ளது.
இது சமந்தா மற்றும் இயக்குநர் ராஜ் ஆகிய இருவருக்குமே இரண்டாவது திருமணம் ஆகும். சமந்தா இதற்கு முன்னர் நடிகர் நாக சைதன்யாவைத் திருமணம் செய்து பின்னர் விவாகரத்துப் பெற்றார். அதேபோல் இயக்குநர் ராஜும் ஏற்கெனவே திருமணம் செய்து விவாகரத்துப் பெற்றவர் என்பது குறிப்பிடத்தக்கது.
சமந்தா – ராஜ் திருமணம் குறித்த தகவல் இணையத்தில் வெளியாகி, திரையுலகப் பிரபலங்கள் மற்றும் ரசிகர்கள் பலரும் அவர்களுக்கு வாழ்த்துக்களைத் தெரிவித்து வருகின்றனர்.
