தமிழ், தெலுங்கு மற்றும் ஹிந்தி எனப் பல மொழிகளில் முன்னணி நடிகையாக வலம் வரும் ராஷ்மிகா மந்தனா, தனது சம்பளத்தை அதிரடியாக உயர்த்தியுள்ளதாகத் தகவல்கள் வெளியாகியுள்ளன.
‘அனிமல்’ பட வெற்றி: ஹிந்தியில் வெளியான ‘அனிமல்’ திரைப்படத்தின் பிரம்மாண்ட வெற்றிக்குப்பிறகு, ராஷ்மிகாவிற்கு பாலிவுட்டில் மவுசு அதிகரித்துள்ளது. தற்போது அவர் ஹிந்தித் திரைப்படங்களில் அதிக கவனம் செலுத்தி வருகிறார்.
10 கோடி ரூபா இலக்கு: தனக்கு இருக்கும் பெரும் வரவேற்பைக் கருத்தில் கொண்டு, அடுத்த ஆண்டு (2026) தான் நடிக்கவிருக்கும் புதிய திரைப்படங்களுக்கு ஒரு படத்திற்கு 10 கோடி ரூபாய்க்கும் மேல் சம்பளம் கேட்டு வருகிறாராம்.
தற்போது அவர் ‘மைஸா’ (Maisa) என்ற தெலுங்குத் திரைப்படத்தில் நடித்து வருகிறார். சமீபத்தில் வெளியான இந்தப் படத்தின் போஸ்டரில், ராஷ்மிகா இரத்தக் கறைகளுடன் ஆக்ரோஷமான தோற்றத்தில் இருப்பது சமூக வலைதளங்களில் வைரலாகி வருகிறது.
நடிகை ராஷ்மிகா மந்தனாவுக்கும், தெலுங்குத் திரையுலகின் முன்னணி நடிகர் விஜய் தேவரகொண்டாவுக்கும் வரும் 2026 பிப்ரவரி மாதத்தில் திருமணம் நடைபெறவுள்ளதாகத் தகவல்கள் வெளியாகியுள்ளன. இது இவர்களது ரசிகர்களிடையே மிகுந்த எதிர்பார்ப்பை ஏற்படுத்தியுள்ளது.
