தென்னிந்திய நடிகைகளில் திறமையானவராகக் கருதப்படும் நடிகை அமலா பால் இன்று தனது 34வது பிறந்தநாளைக் கொண்டாடுகிறார். அவருக்கு ரசிகர்கள் வாழ்த்து தெரிவித்து வருகின்றனர்.
அமலா பாலின் தமிழ் திரையுலக அறிமுகப் படம் சர்ச்சைக்குரியதாக அமைந்தது. அவர் தன்னை ஒரு சிறந்த நடிகையாக நிரூபித்த திரைப்படம் ‘மைனா’. இதன் மூலம் அவர் அனைவரின் நினைவிலும் இருக்கிறார்.
பின்னர், ‘தெய்வ திருமகள்’, ‘வேலையில்லா பட்டதாரி’, ‘தலைவா’ போன்ற படங்களில் முன்னணி நடிகர்களுடன் நடித்தார்.
அவர் இயக்குநர் ஏ.எல். விஜய்யை காதலித்துத் திருமணம் செய்து கொண்டார். ஆனால், இந்தத் திருமண வாழ்க்கை நீடிக்கவில்லை; இருவரும் 2017 இல் விவாகரத்து பெற்றுப் பிரிந்தனர்.
பின்னர், 2023 ஆம் ஆண்டு ஜகத் தேசாய் என்பவரை இரண்டாவதாகத் திருமணம் செய்து கொண்டார். இவர்களுக்கு ஒரு மகன் உள்ளார்.
தற்போது, அமலா பாலின் மொத்த சொத்து மதிப்பு சுமார் ரூ. 40 கோடி எனத் தகவல் வெளியாகியுள்ளது. அவருக்கு கேரளாவில் சொந்தமாக ஒரு சொகுசு பங்களா உள்ளது. அவரது கணவர் ஜகத் தேசாயின் சொத்துக்களையும் சேர்த்தால், மொத்த மதிப்பு ரூ. 50 கோடி இருக்கும் என்றும் கூறப்படுகிறது.
