தமிழ் திரையுலகில் பன்முகத்திறமை கொண்ட கலைஞராகத் திகழும் நடிகர் சிலம்பரசன் (STR), இன்று தனது 43-வது பிறந்தநாளைக் கொண்டாடுகிறார். இதனை முன்னிட்டு திரையுலகினரும், ரசிகர்களும் அவருக்கு சமூக வலைத்தளங்களில் வாழ்த்துகளைக் குவித்து வருகின்றனர்.
நடிகர், இயக்குநர், பின்னணி பாடகர், பாடலாசிரியர் மற்றும் இசையமைப்பாளர் எனப் பல துறைகளில் சாதித்து வரும் சிம்பு, சிறுவயதிலேயே குழந்தை நட்சத்திரமாகத் திரையுலகிற்கு அறிமுகமானவர்.
தற்போது இயக்குநர் வெற்றிமாறன் தயாரிப்பில் உருவாகி வரும் ‘அரசன்’ திரைப்படத்தின் முக்கிய அப்டேட்டிற்காக ரசிகர்கள் மிகுந்த ஆவலுடன் காத்திருக்கின்றனர். வட சென்னையை மையமாகக் கொண்ட கதையம்சம் கொண்ட இப்படம் பான்-இந்தியா அளவில் பெரும் எதிர்பார்ப்பை ஏற்படுத்தியுள்ளது.
பல்வேறு தகவல்களின்படி, சிம்புவின் மொத்த சொத்து மதிப்பு ரூ. 100 கோடி முதல் ரூ. 130 கோடி வரை இருக்கலாம் எனக் கணிப்புகள் தெரிவிக்கின்றன.
சம்பளம்: ‘மாநாடு’, ‘வெந்து தணிந்தது காடு’ போன்ற படங்களின் வெற்றிக்குப் பிறகு, தற்போது ஒரு படத்தில் நடிக்க அவர் ரூ. 30 முதல் ரூ. 40 கோடி வரை சம்பளம் பெறுவதாகக் கூறப்படுகிறது. (இவை அதிகாரப்பூர்வமாக உறுதிப்படுத்தப்படவில்லை).
