இன்று, கச்சா எண்ணெய் விலையானது சர்வதேச சந்தையில் 5 சதவீதத்திற்கும் அதிகமாக வீழ்ச்சி கண்டுள்ளது.
அமெரிக்க ஜனாதிபதி டொனால்ட் ட்ரம்ப், இரண்டு வாரங்களாக ஈரான் மீது தொடர்ச்சியாக நடத்தப்பட்டு வந்த தாக்குதல்களை இடைநிறுத்தியுள்ளமையினால், மத்திய கிழக்கில் மோதலைக் குறைக்கக்கூடிய ஒரு தூதரகத் தீர்வு எட்டப்படும் என்ற நம்பிக்கையை அடுத்து மசகு எண்ணெய் விலையில் இந்த வீழ்ச்சி பதிவு செய்யப்பட்டுள்ளது.
அந்த வகையில், பிரெண்ட் ரக கச்சா எண்ணெய் பீப்பாய் இன்று அதிகாலை 5.77 சதவீதம் வீழ்ச்சி கண்டு 92.02 அமெரிக்க டொலருக்கு விற்பனை செய்யப்படுவதோடு, அமெரிக்க வெஸ்ட் டெக்சாஸ் இன்டர்மீடியட் (WTI) கச்சா எண்ணெய் விலை பீப்பாய்க்கு 5.50 சதவீதம் வீழ்ச்சிகண்டு 84.40 அமெரிக்க டொலர்களாக பொதிவாகியுள்ளது.
மேலும், மேர்பன் கச்சா எண்ணெய் பீப்பாய்க்கு 10.12 சதவீதம் வீழ்ச்சியடைந்து 97.05 அமெரிக்க டொலர்களாக பதிவாகியுள்ளது.
