அமெரிக்காவின் வெடிமருந்து கிடங்காக தைவான்
அமெரிக்காவின் வெடிமருந்து கிடங்காக தைவான் மாற்றப்பட்டுள்ளதாக சீனா குற்றம் சாட்டியுள்ளது.
சீனாவில் நடந்த உள்நாட்டு போரால் தனி நாடாக பிரிந்த தைவானை தங்களது நாட்டுடன் இணைக்க சீனா தீவிர முனைப்பு காட்டி வரும் நிலையில், அதன் ஒருபகுதியாக தைவான் எல்லையில் அடிக்கடி போர்க்கப்பல்கள் மற்றும் விமானங்களை அனுப்பி பதற்றத்தை ஏற்படுத்தி வருகின்றது.
இந்நிலையில், தைவானுடன் வேறு எந்த நாடுகளும் அதிகாரப்பூர்வ உறவு வைத்துக்கொள்ளக்கூடாது என சீனா எச்சரித்துள்ளது.
இருப்பினும், அமெரிக்கா தைவானுக்கு ஆதரவாக குரல்கொடுத்து வரும் நிலையில், சீனாவி்ன் கோபம் அமெரிக்கா மீது பாய்ந்துள்ளது.
இந்தநிலையில் நேற்று முன்தினம் சுமார் ரூ.2 ஆயிரம் கோடி மதிப்பிலான இராணுவ உதவிகளை தைவானுக்கு அமெரிக்கா வழங்கி உள்ளது.
இதன்மூலம் தைவானை தனது வெடிமருந்து கிடங்காக அமெரிக்கா மாற்றி விட்டதாக சீனா குற்றம்சாட்டியுள்ளது.
மேலும் அமெரிக்காவின் இந்த இராணுவ உதவிகள் தைவானை ஒன்றிணைக்கும் தனது விருப்பத்தை எந்தவிதத்திலும் தடுக்காது என சீனா அரசாங்கம் தெரிவித்துள்ளது.
Leave a comment