கடமையில் இருந்தபோது மது அருந்திய குற்றச்சாட்டின் பேரில், ‘யாழ்தேவி’ ரயிலின் தலைமை ரயில் கட்டுப்பாட்டாளர் ஒருவர் இன்று (அக் 25) பிற்பகல் அனுராதபுரத்தில் வைத்து ரயில் பாதுகாப்பு அதிகாரிகளால் கைது செய்யப்பட்டார்.
காங்கேசன்துறையிலிருந்து கொழும்பு கோட்டை நோக்கிச் சென்ற இந்த ரயில், பிற்பகல் 2:40 மணியளவில் அனுராதபுரம் நிலையத்தை அடைந்தபோது இச்சம்பவம் நடந்தது.
கைது செய்யப்பட்டவர் தற்போது அனுராதபுரம் பொலிஸாரிடம் ஒப்படைக்கப்படவுள்ளார். அதன் பிறகு அவர் சட்ட வைத்திய அதிகாரி முன்னிலையில் நீதிமன்றத்தில் ஆஜர்படுத்தப்படுவார்.
இதையடுத்து, யாழ்தேவி ரயிலுக்காக வேறொரு கட்டுப்பாட்டாளர் நியமிக்கப்பட்ட பிறகு, ரயில் அனுராதபுரத்தில் இருந்து கொழும்பு கோட்டையை நோக்கிப் புறப்பட்டது.
