தமிழக அரசியல் வரலாற்றில் ஒரு புதிய அத்தியாயம் எழுத தொடங்கியுள்ளவர் தான் நடிகர் விஜய். இவர் தனது நீண்ட நாள் கனவை “தமிழக வெற்றி கழகம்” என்ற பெயரில் உருவாக்கி அரசியல் இயக்கமாக மாற்றியுள்ளார். சமீபத்தில் நடந்த விழாவில், கட்சியின் கொள்கை அறிக்கையும், நோக்கங்களையும் வெளியிட்டு அரசியல் பயணத்தை ஆரம்பித்துள்ளார்.
இந்த நிலையில், பாஜக மூத்த தலைவரும், தற்போதைய பாஜக மகளிர் அணி தேசியத் தலைவராக விளங்கியவர் தான் தமிழிசை சௌந்தர் ராஜன். அவர் சமீபத்தில் ஊடகங்களுக்கு அளித்த பேட்டியில் விஜய்க்கு பாராட்டுகளைத் தெரிவித்துள்ளார்.
அதன்போது தமிழிசை, “விஜய் இதுவரை Work from Home போல இருந்தார். தற்போது அவர் Work from Field-க்கு வந்திருக்கிறார். இது மிகுந்த மகிழ்ச்சிக்குரியது. மக்கள் மத்தியில் நேரடியாக சென்று பேசுவது மட்டுமே உண்மையான அரசியல் செயல்பாடு. மக்கள் மத்தியில் இருந்து தான் மாற்றம் உருவாகும். விஜயின் இந்த முடிவு தமிழ்நாட்டின் ஜனநாயக வளர்ச்சிக்கு நல்லதாக அமையும் என நம்புகிறேன்” என்று கூறியுள்ளார்.
தமிழகத்தில் தற்போது திமுக மற்றும் அதிமுக ஆகிய இரண்டு பெரும் கட்சிகள் இடையே போட்டி நிலவுகிறது. இந்த சூழலில், விஜயின் “தமிழக வெற்றி கழகம்” என்ற புதிய இயக்கம் வருவது, அரசியல் அமைப்பை ஒரு விதத்தில் மாற்றும் சக்தியாக இருக்கும் எனப் பார்க்கப்படுகின்றது.
