புதிய Blue Visa திட்டத்தை அறிமுகப்படுத்தியுள்ள ஐக்கிய அரபு அமீரகம்
ஐக்கிய அரபு அமீரகம் (UAE) சுற்றுச்சூழல் நிலைத்தன்மையை மேம்படுத்துவதற்காக புதிய Blue Visa திட்டத்தை அறிமுகப்படுத்தியுள்ளது.
ஐக்கிய அரபு அமீரகம் 10 ஆண்டுகள் செல்லுபடியாகும் Blue Visa திட்டத்தை அதிகாரப்பூர்வமாக அறிமுகப்படுத்தியுள்ளது.
இந்த விசா, சுற்றுச்சூழல் பாதுகாப்பு மற்றும் நிலைத்தன்மை மேம்பாட்டில் முக்கிய பங்கு வகித்தவர்களுக்கு வழங்கப்படும்.
பிப்ரவரி 2025-ல் துபாயில் நடைபெற்ற World Governments Summit 2025 நிகழ்வில், Ministry of Climate Change and Environment மற்றும் Federal Authority for Identity, Citizenship, Customs, and Port Security ஆகியவை இதை அறிவித்தன.
முதற்கட்டத்தில், 20 சுற்றுச்சூழல் நிபுணர்கள் மற்றும் புதுமையாளர்களுக்கு இந்த விசா வழங்கப்படும்.
உலகளாவிய விருது பெற்றவர்கள், ஆராய்ச்சியாளர்கள், சுற்றுச்சூழல் செயற்பாட்டாளர்கள் மற்றும் பல்வேறு நிறுவன உறுப்பினர்கள் இதற்கு தகுதி பெறலாம்.
– விண்ணப்பதாரர்கள் Federal Authority for Identity, Citizenship, Customs, and Port Security மூலம் நேரடியாக விண்ணப்பிக்கலாம் அல்லது UAE அதிகாரிகளால் பரிந்துரைக்கப்படலாம்.
– தகுதியானவர்கள் தங்கள் சாதனைகள் மற்றும் சுற்றுச்சூழல் முயற்சிகளை ஆதாரங்களுடன் சமர்ப்பிக்க வேண்டும்.
– பரிந்துரை கோருவதற்கான கட்டணம் 350 திர்ஹம்ஸ்.
– UAE வெளியே உள்ள விண்ணப்பதாரர்கள் முதலில் 6 மாத multiple-entry visa பெற வேண்டும்.
இந்த Blue Visa திட்டம், Golden Visa மற்றும் Green Residency Permit ஆகியவற்றின் தொடர்ச்சியாக செயல்படும். விண்ணப்பதாரர்கள் 24/7 ஓன்லைன் சேவையை பயன்படுத்தி விண்ணப்பிக்கலாம்.
