‘அணியிலிருந்து வெளியேறுகிறேன்’ கண்ணீருடன் உறுதிப்படுத்தினார் மெஸ்ஸி

‘அணியிலிருந்து வெளியேறுகிறேன்’ கண்ணீருடன் உறுதிப்படுத்தினார் மெஸ்ஸி

பார்சிலோனா அணியிலிருந்து வெளியேறுகிறேன் என செய்தியாளர் சந்திப்பில் கண்ணீர் மல்க மெஸ்ஸி உறுதிப்படுத்தியமை ரசிகர்களை கலங்கவைத்துள்ளது.

லியோனல் மெஸ்ஸி, பார்சிலோனா அணியை விட்டு வெளியேறினார் என்று பார்சிலோனா கிளப் சமீபத்தில் அதிகாரபூர்வமாக அறிவித்தது. இந்நிலையில் பார்சிலோனா கிளப் செய்தியாளர் சந்திப்பில் கலந்துகொண்டு பேசிய மெஸ்ஸி, கண்ணீர் மல்க தான் பார்சிலோனா அணியிலிருந்து வெளியேறுவதை உறுதிப்படுத்தினார்.
மேலும், மெஸ்ஸி PSG அணியில் இணைய உள்ளார் என தகவல்கள் வெளியாகியுள்ள நிலையில், தனது எதிர்காலம் குறித்து இன்னும் முடிவு எடுக்கவில்லை என மெஸ்ஸி தெளிவுபடுத்தியுள்ளார்.
மெஸ்ஸியின் அறிவிப்பைத் தொடர்ந்து அரங்கத்திலிருந்து பத்திரிக்கையாளர்கள் உட்பட அனைவரும் எழுந்து நின்று மெஸ்ஸியை கைதட்டி பிரியாவிடையளித்தனர்.
21 ஆண்டுகள் பார்சிலோனாவுக்காக விளையாடியுள்ள லியோனல் மெஸ்ஸி, அந்த அணிக்காக இதுவரை 778 போட்டிகளில் விளையாடிஎ 672 கோல்கள் அடித்துள்ளார், ஆறு முறை பலோன் டி ஓர் வென்றுள்ளார் என்பது குறிப்பிடத்தக்கது.
செய்தியாளர் சந்திப்பில் மெஸ்ஸி கண்கலங்கியது உலகம் முழுவதும் உள்ள அவரது ரசிகர்களை கலக்கத்தில் ஆழ்த்தியுள்ளது.