கடும் போட்டியில் அரசியல் கட்சிகள் : 1000 கோடி ரூபாவை செலவிட்டுள்ளதாக தகவல்

கடும் போட்டியில் அரசியல் கட்சிகள் : 1000 கோடி ரூபாவை செலவிட்டுள்ளதாக தகவல்

பொதுமக்களின் நிலைப்பாட்டை அறிந்து கொள்வதற்காக பல்வேறு வகையான கணக்கெடுப்புகளை மேற்கொள்வதற்காக மூன்று பிரதான அரசியல் கட்சிகள் நடவடிக்கை எடுத்துள்ளன.

அதற்காக ஆயிரம் கோடி ரூபாவிற்கும் அதிகமான தொகையை கணக்கெடுப்பு நிறுவனங்களுக்கு வழங்கியுள்ளதாக தெரிவிக்கப்படுகிறது.

சில கணக்கெடுப்பு நிறுவனங்கள் ஏற்கனவே தங்களது ஆய்வு அறிக்கைகளை அந்தந்த அரசியல் கட்சிகளிடம் சமர்ப்பித்துள்ளதாக அரசியல் வட்டார தகவல்கள் தெரிவிக்கின்றன.

நீண்ட காலமாக கணக்கெடுப்பு நடத்தும் நிறுவனங்கள் இருப்பதாக சில அரசியல் கட்சித் தலைவர்கள் கூறுகிறார்கள்.

கணக்கெடுப்பு பணிக்காக அந்த நிறுவனங்களிடம் ஒப்படைக்கப்பட்டுள்ளதாக கூறப்படுகிறது. இந்த நாட்களில் மூன்று கணக்கெடுப்பு நிறுவனங்கள் கணக்கெடுப்பு நடத்தி வருவதாக தெரிய வருகிறது.

பொதுமக்களின் கருத்துக்களுக்கு ஏற்ப எதிர்கால அரசியல் நடவடிக்கைகளை திட்டமிடுவதே இந்த ஆய்வுகளின் நோக்கம் என அரசியல் கட்சி பிரதிநிதிகள் குழு தெரிவித்துள்ளது.

மேலும், தேர்தல் மேடைகளில் சாதகமான கணக்கெடுப்பு அறிக்கைகளை முன்வைத்து அரசியல் ஆதாயம் பெறுவதும் இதன் மற்றொரு நோக்கமாகும் என தெரிவிக்கப்பட்டுள்ளது.