உலகிலேயே மிகப் பெரிய சிலந்தி வலை எனக் கருதப்படும் மிகப்பெரிய சிலந்தி வலை ஒன்றை, கிரேக்கம் – அல்பேனியா எல்லையிலுள்ள இருண்ட குகையில் விஞ்ஞானிகள் கண்டுபிடித்துள்ளனர். இந்த வலை 106 மீற்றர் பரப்பளவு கொண்டது எனத் தெரிவிக்கப்பட்டுள்ளது.
இந்த அதிவிசாலமான சிலந்தி வலைக்குள் 1,11,000-க்கும் மேற்பட்ட சிலந்திகள் வாழ்கின்றன என்று ஆய்வாளர்கள் குறிப்பிட்டுள்ளனர்.
பொதுவாகச் சிலந்திகள் தனித்தனியாக வாழும் உயிரினங்கள் என்பதால், இவ்வாறு கூட்டாக உருவாக்கப்பட்ட வலைகள் மிகவும் அரிது.
இந்தக் கண்டுபிடிப்பை மிகவும் ஆச்சரியப்படுத்துவது என்னவென்றால், இந்தச் சிலந்தி வலை 2 வெவ்வேறு இனச் சிலந்திகளை உள்ளடக்கியது. 2 இனச் சிலந்திகள் இணைந்து ஒரே வலையை உருவாக்குவது இதுவரை பதிவாகாத நிகழ்வாகும்.
வீட்டுச் சிலந்தி (Tegenaria domestica) பொதுவாகச் சிறிய சிலந்திகளை வேட்டையாடி உண்பது வழக்கம். ஆனால் இக்குகையில், அது சிறிய ஷீட் வீவர் சிலந்திகளுடன் இணைந்து வாழ்ந்ததுடன், வேலை செய்தது.
குகைக்குள் ஒளி இல்லாமை மற்றும் பெருமளவு உணவு கிடைப்பது ஆகியவை இச்சிலந்திகள் ஒருவரையொருவர் தாக்காமல் இணைந்து வாழக் காரணமாக இருந்திருக்கலாம் என்று ஆராய்ச்சியாளர்கள் கூறுகின்றனர்.
இந்தக் குகையில் காணப்படும் சிறிய ஈக்கள் (midges) சிலந்திகளுக்குப் பிரதான உணவாக இருந்தன.
மேலும், DNA பரிசோதனைகள் மூலம் இந்தக் குகையில் வாழும் சிலந்திகள் வெளிப்புறச் சிலந்திகளிலிருந்து மரபணு ரீதியாக வேறுபட்டவை என்று தெரியவந்துள்ளது.
இதனால், அவை குகைச் சூழலுக்கேற்பத் தங்களைத் தற்காலத்துக்கு ஏற்றவாறு மாற்றிக் கொண்டுள்ளன என்று விஞ்ஞானிகள் முடிவு செய்துள்ளனர்.