வெள்ள அபாயம்! தாஜ்மஹால் சுவர்களைத் தொட்ட யமுனை நதி

வெள்ள அபாயம்! தாஜ்மஹால் சுவர்களைத் தொட்ட யமுனை நதி

டெல்லியில் பெய்து வரும் தொடர் மழையால் யமுனை ஆற்றில் வெள்ளப்பெருக்கு ஏற்பட்டுள்ள நிலையில், தாஜ்மஹாலுக்கும் வெள்ள அபாயம் ஏற்பட்டுள்ளது.

45 ஆண்டுகளுக்குப் பிறகு முதன்முறையாக யமுனை நதி தாஜ்மஹாலின் சுவர்களைத் தொட்டது. கனமழை காரணமாக யமுனையில் நீர்மட்டம் 497.9 அடியாக உயர்ந்துள்ளது.

கடைசியாக 1978-ம் ஆண்டு ஏற்பட்ட வெள்ளத்தில் யமுனை நிரம்பி வழிந்தது. ஆற்றில் நீர்மட்டம் உயர்ந்ததால், நினைவுச்சின்னத்தின் பின்புறமுள்ள தோட்டம் நீரில் மூழ்கியது மற்றும் அருகிலுள்ள பகுதிகள் வெள்ளத்தில் மூழ்கின.

இதனிடையே, இந்திய தொல்லியல் துறையின் பாதுகாப்பு உதவியாளர் பிரின்ஸ் வாஜ்பாய், தாஜ்மஹால் எந்த பாரிய வெள்ளத்தையும் தாங்கும் வகையில் வடிவமைக்கப்பட்டுள்ளது எனவே அச்சப்பட தேவையில்லை என்று கூறியுள்ளார்.

இந்த நினைவுச்சின்னம் கடும் வெள்ளத்தின் போது கூட வெள்ளத்தில் மூழ்காத வகையில் வடிவமைக்கப்பட்டுள்ளது என்றார்.

இதற்கிடையில், முன்னெச்சரிக்கை நடவடிக்கையாக, சிகிந்திராவில் உள்ள கைலாஷ் கோயில் முதல் தாஜ்மஹால் அருகே உள்ள தசரா காட் வரையிலான ஆற்றுப் பள்ளத்தாக்குகளில் வெள்ளப்பெருக்கை தடுக்க அதிகாரிகள் பாதுகாப்பு தடுப்புகளை அமைத்துள்ளனர்.

யமுனை ஆற்றில் இருந்து தண்ணீர் வடிகால்களில் நுழைந்ததால், அவை நிரம்பி தாஜ்மஹாலுக்கு செல்லும் சாலைகளில் வெள்ளம் பெருக்கெடுத்து ஓடியது.

யமுனையில் நீர்மட்டம் உயர்ந்து வருவதும் ஆற்றின் தற்போதைய குப்பை பிரச்சனையை எடுத்துக்காட்டுகிறது. யமுனையில் உள்ள கழிவுநீர் தாஜ்மஹாலுக்கு பெரும் சிக்கலை ஏற்படுத்தும், இது நினைவுச்சின்னத்தின் நிறமாற்றம் மற்றும் சிதைவுக்கு வழிவகுக்கும்.