அதிவேகமாக வந்து உணவகத்திற்குள் புகுந்த லொறி! 4 பேர் உடல் நசுங்கி பலி
இந்திய மாநிலம் உத்தர பிரதேசத்தில் கட்டுப்பாட்டை இழந்த லொறி, சாலையோர உணவகத்திற்குள் புகுந்ததில் 4 பேர் பலியான சம்பவம் அதிர்ச்சியை ஏற்படுத்தியது.
உத்தர பிரதேச மாநிலம் இடாவாஹ் மாவட்டத்தில் கான்பூர் தேசிய நெடுஞ்சாலையில் அமைந்துள்ள உணவகத்தில் பாரிய விபத்து ஏற்பட்டது.
சாலையோர உணவகத்தில் நேற்று இரவு வாடிக்கையாளர்கள் உணவருந்திக் கொண்டிருந்தனர். அப்போது ஓட்டுநரின் கட்டுப்பாட்டை இழந்த லொறி ஒன்று அதிவேகத்தில் வந்து உணவத்திற்குள் புகுந்தது.
இதில் உணவக உரிமையாளர் உட்பட 4 பேர் சம்பவ இடத்திலேயே உடல் நசுங்கி பரிதாபமாக பலியாகினர். மேலும் இருவர் படுகாயமடைந்தனர். இதுகுறித்து தகவல் அறிந்த பொலிஸார் சம்பவம் இடத்திற்கு விரைந்து விசாரணை நடத்தினர்.
முன்னதாக, விபத்தினை அறிந்த அக்கம்பக்கத்தினர் உடனடியாக படுகாயமடைந்தவர்களை சிகிச்சைக்காக மருத்துவமனையில் அனுமதித்தனர்.
