விமானம் பழுதுபட்டதால் தடைப்பட்ட அமைச்சரின் பயணத்திட்டம்

விமானம் பழுதுபட்டதால் தடைப்பட்ட அமைச்சரின் பயணத்திட்டம்

விமானம் பழுதானதால் ஜேர்மன் வெளியுறவு அமைச்சருடைய பயணத்திட்டம் பாதிக்கப்பட்டதைத் தொடர்ந்து, அந்த விமானங்களுக்கு ஓய்வு கொடுப்பது என ஜேர்மன் அரசு முடிவு செய்துள்ளது.

ஜேர்மன் வெளியுறவு அமைச்சரான Annalena Baerbock, ஒரு வார அரசு முறைப் பயணமாக, அவுஸ்திரேலியா, நியூசிலாந்து மற்றும் ஃபிஜி ஆகிய நாடுகளுக்குச் செல்லத் திட்டமிட்டிருந்தார்.

ஆனால், அவர் பயணம் செய்த விமானத்தில் ஏற்பட்ட பழுது காரணமாக அவர் இரண்டு முறை அபுதாபிக்குத் திரும்ப நேர்ந்தது.

அதனால், தனது பயணத்திட்டத்தையே ரத்து செய்துவிட்டார் Annalena.

இப்படி விமானம் பழுதானதால் அமைச்சரின் பயணம் பாதிக்கப்பட்டதைத் தொடர்ந்து, அவர் பயணித்த விமானம் உட்பட இரண்டு பழைய ஏர்பஸ் விமானங்களுக்கு விடைகொடுக்க அரசு முடிவு செய்துள்ளது.

இந்நிலையில், Annalena பயணித்த விமானம் இன்னமும் அபுதாபியிலேயேதான் உள்ளது என்பது குறிப்பிடத்தக்கது.