80 மில்லியன் டொலர்கள் மதிப்பிலான சொத்துக்கள் கொண்ட பிரபல நடிகர் ஒருவர், நீண்ட நாட்களாக சாப்பிடாமல் பட்டினியாக இருந்துள்ளார் என்பது அவரது உடற்கூறு ஆய்வறிக்கையில் தெரியவந்துள்ளது.
பிரபல நடிகரான ஜீன் ஹாக்மேனும் (Gene Hackman, 93), அவரது மனைவியான பெற்சியும் (Betsy Arakawa, 63), அமெரிக்காவின் நியூ மெக்சிகோ மாகாணத்திலுள்ள Santa Fe என்னுமிடத்தில் வாழ்ந்துவந்த நிலையில், பிப்ரவரி மாதம், அவர்கள் இருவரும் தங்கள் வீட்டில் உயிரற்ற நிலையில் கண்டுபிடிக்கப்பட்ட விடயம் கடும் அதிர்ச்சியை உருவாக்கியது.
இந்நிலையில், ஜீன் ஹாக்மேனின் உடற்கூறு ஆய்வறிக்கையில், அவரது உடலில் அசிட்டோன் என்னும் வேதிப்பொருள் 5.3 mg/dl இருப்பது தெரியவந்துள்ளது.
ஒருவர் நீண்ட நாட்களாக உணவு உட்கொள்ளாமல் இருந்தால்தான் அவரது உடலில் இந்த அளவுக்கு அசிட்டோன் இருக்குமாம்.
ஆக, ஜீன் நீண்ட நாட்களாக உணவு உட்கொள்ளாமல் இருந்துள்ளார் என்பது தெரியவந்துள்ளது.
அவருக்கு வேறு பல உடல் நலக்குறைவுகளும் உள்ளது உண்மைதான் என்றாலும், 80 மில்லியன் டொலர்கள் மதிப்பிலான சொத்துக்கள் கொண்ட ஜீன், கடைசியில் உணவு கூட இல்லாமல் உயிரிழந்துள்ளார் என்னும் தகவல் சோகத்தை ஏற்படுத்துவதாக அமைந்துள்ளது.
80 மில்லியன் டொலர்கள் என்பது இலங்கை மதிப்பில் 23,96,64,08,000.00 ரூபாய் என்பது குறிப்பிடத்தக்கது.
