பரிஸ் ஒலிம்பிக் ஆடவருக்கான 10,000 மீட்டர் ஓட்டப் பந்தயத்தில் உகாண்டாவின் ஜோசுவா செப்டேகி ஒலிம்பிக் சாதனையை முறியடித்து தங்கப் பதக்கத்தை தனதாக்கியுள்ளார்.
உகாண்டாவின் ஜோசுவா செப்டேகி ஒலிம்பிக்கில் புதிய சாதனையுடன் தங்கப்பதக்கத்தை தனதாக்கியுள்ளார் (26:43.14).
எத்தியோப்பியாவின் பெரிஹு அரேகாவி வெள்ளிப்பதக்கத்தையும், (26:43.44), அமெரிக்காவின் கிராண்ட் ஃபிஷர் வெண்கல பதக்கத்தையும் (26:43.46) கைப்பற்றினர்.
இந்நிலையில், பரிஸ் ஒலிம்பிக் போட்டிகளில் நேற்று இடம்பெற்ற மகளிருக்கான 800 மீற்றர் ஓட்டப் பந்தயத்தில் இலங்கையைச் சேர்ந்த தருஷி கருணாரத்ன 8ஆவது இடத்தைப் பெற்றுக்கொண்டார்.
அவர் போட்டி தூரத்தை 2 நிமிடங்களும் 7 செக்கன்களிலும் நிறைவு செய்துள்ளார்.
எனினும் ஒலிம்பிக்கில் பின்பற்றப்படும் ரிபெஜேஜ் (repechage) முறைமைக்கு அமைய, தருஷி கருணாரத்னவுக்கு மற்றுமொரு சந்தர்ப்பம் வழங்கப்படவுள்ளது.
இதன்படி, அவர் இன்று பிற்பகல் 2.40 அளவில் இடம்பெறவுள்ள மற்றுமொரு போட்டியில் பங்கேற்கவுள்ளமை குறிப்பிடத்தக்கது.
