இலங்கைக்கு வந்து குவியும் சுற்றுலா பயணிகள்
Tourist Arrivals In Sri Lanka In Last Three Weeks
இம்மாதத்தின் கடந்த மூன்று வாரங்களில் 120,000 க்கும் அதிகமான சுற்றுலாப் பயணிகள் இலங்கைக்கு வருகை தந்துள்ளதாக இலங்கை சுற்றுலா அபிவிருத்தி அதிகார சபை தெரிவித்துள்ளது.
அதன்படி, அக்காலப்பகுதியில் இலங்கைக்கு வந்துள்ள சுற்றுலாப் பயணிகளின் எண்ணிக்கை 127,925 ஆகும்.
அவர்களில் பெரும்பாலானோர் இந்தியர்கள் என்பதுடன் எண்ணிக்கை 30,442 ஆக பதிவாகியுள்ளது.
அதுமட்டுமின்றி பிரிட்டன், சீனா, ஜெர்மனி, நெதர்லாந்து போன்ற நாடுகளில் இருந்தும் சுற்றுலா பயணிகள் நாட்டுக்கு வருகை தந்துள்ளனர்.
இலங்கை சுற்றுலா அபிவிருத்தி அதிகார சபையின் அறிக்கையின்படி, இவ்வருடம் இதுவரையான காலப்பகுதியில் 11 இலட்சத்து 38,174 சுற்றுலாப் பயணிகள் நாட்டுக்கு வருகை தந்துள்ளனர்.
