கனடாவிலிருந்து விடுமுறைக்காகத் தனது சொந்த ஊரான யாழ்ப்பாணத்திற்கு வருகை தந்த 42 வயதுடைய நபர் ஒருவர், நிமோனியா காய்ச்சலால் பாதிக்கப்பட்டு சிகிச்சை பலனின்றி உயிரிழந்துள்ளார்.
கனடாவில் வசித்து வந்த பரமநாயகம் திவாகர் (வயது 42) என்பவரே இவ்வாறு உயிரிழந்தவராவார். அண்மையில் விடுமுறைக்காக யாழ்ப்பாணம் வந்த இவர், வட்டுக்கோட்டை பகுதியில் உள்ள உறவினர் இல்லத்தில் தங்கியிருந்துள்ளார்.
கடந்த டிசெம்பர் மாதம் 31 ஆம் திகதி இவருக்குக் கடுமையான காய்ச்சல் ஏற்பட்டுள்ளது. அதனையடுத்து அவர் உடனடியாகத் தெல்லிப்பழை ஆதார மருத்துவமனையில் அனுமதிக்கப்பட்டு சிகிச்சை பெற்று வந்துள்ளார்.
மருத்துவமனையில் தீவிர சிகிச்சை அளிக்கப்பட்டு வந்த போதிலும், சிகிச்சை பலனின்றி அவர் நேற்று முன்தினம் உயிரிழந்தார். அவருக்கு நடத்தப்பட்ட மருத்துவப் பரிசோதனைகளின் அடிப்படையில், நிமோனியா (Pneumonia) காய்ச்சலே அவரது மரணத்திற்குப் பிரதான காரணம் என உறுதிப்படுத்தப்பட்டுள்ளது.
இந்தச் சம்பவம் புலம்பெயர் உறவினர்கள் மற்றும் வட்டுக்கோட்டைப் பகுதி மக்களிடையே பெரும் சோகத்தை ஏற்படுத்தியுள்ளது.