கண்டி மாவட்டம், மெததும்பர (Medadumbara) பகுதியில் உள்ள ஒரு வீட்டில் ஞாயிற்றுக்கிழமை (நவம்பர் 16) அன்று இடம்பெற்ற நிகழ்வின் போது, மனநல நோயாளி ஒருவருடன் ஏற்பட்ட மோதலில் குறைந்தது ஏழு பேர் கத்தியால் குத்தப்பட்டு காயமடைந்துள்ளனர்.
காயமடைந்தவர்களில் இரண்டு பெண்களும் ஐந்து ஆண்களும் அடங்குவர். அவர்கள் உடனடியாகக் கண்டி தேசிய மருத்துவமனையில் சிகிச்சைக்காக அனுமதிக்கப்பட்டதாகப் பொலிஸார் தெரிவித்தனர்.
கத்தியால் குத்திய மனநல நோயாளி, வீட்டில் இருந்தவர்களில் ஒருவர் என்றும், அவர் உடுதும்பர பொலிஸாரால் கைது செய்யப்பட்டார் என்றும் தெரிவிக்கப்பட்டுள்ளது.