இலங்கையின் தனியார் துறை ஊழியர்களுக்கான தேசிய குறைந்தபட்ச மாத ஊதியம் அதிகரிக்கப்பட்டுள்ளதாகத் தொழிலாளர் துறை ஆணையாளர் நாயகம் எச்.எம்.டி.என்.கே. வட்டலியத்தா அதிகாரப்பூர்வமாக அறிவித்துள்ளார்.
2025-ஆம் ஆண்டு தேசிய குறைந்தபட்ச ஊதியம் (திருத்தம்) சட்டத்தின் விதிகளுக்கு இணங்க, இதுவரை ரூ. 27,000 ஆக இருந்த குறைந்தபட்ச மாத ஊதியம், இனி ரூ. 30,000 ஆக உயர்த்தப்பட்டுள்ளது. தினசரி அடிப்படை ஊதியம் ரூ. 1,080 லிருந்து ரூ. 1,200 ஆக அதிகரிக்கப்பட்டுள்ளது.
இந்த ஊதிய உயர்வு 2026 ஜனவரி 1-ஆம் திகதி முதல் முன்நிதியிட்டு (Retrospective effect) அமலுக்கு வரும் என அறிவிக்கப்பட்டுள்ளது.
அனைத்துத் தனியார் துறை நிறுவனங்களின் உரிமையாளர்களும் (Employers), சட்ட ரீதியாக அறிவிக்கப்பட்டுள்ள இந்தக் கொடுப்பனவுகளைத் தங்களது ஊழியர்களுக்குத் தடையின்றி வழங்க வேண்டும் என ஆணையாளர் நாயகம் வலியுறுத்தியுள்ளார். வாழ்க்கைச் செலவு அதிகரிப்புக்கு மத்தியில், குறைந்த வருமானம் பெறும் ஊழியர்களுக்கு இந்த ஊதிய உயர்வு ஒரு முக்கிய நிவாரணமாக அமையும் என எதிர்பார்க்கப்படுகிறது.
