உலகளாவிய கட்டணங்கள் தொடர்பாக அமெரிக்காவுடன் இருதரப்பு பேச்சுவார்த்தைகளில் ஈடுபட்டுள்ள ஒரே ஆசிய நாடு இலங்கை என்று பொருளாதார மேம்பாட்டு துணை அமைச்சர் அனில் ஜெயந்த தெரிவித்துள்ளார்.
அரசாங்கத்தின் நிதி மூலோபாயம் குறித்த நாடாளுமன்ற விவாதத்தின் போது உரையாற்றிய அவர், இந்த ஆண்டு தொடக்கத்தில் விதிக்கப்பட்ட 44வீத வரி தொடர்பாக அமெரிக்காவுடன் மிகவும் சாதகமான ஒப்பந்தத்தைப் பெற அரசாங்கம் நம்புகிறது என குறிப்பிட்டுள்ளார்.
அமெரிக்க வர்த்தக பிரதிநிதி அலுவலகத்தின் அழைப்பைத் தொடர்ந்து, இலங்கை தூதுக்குழு கடந்த மாதம் வாஷிங்டன் – டி.சி.க்கு விஜயம் செய்தது.
அமெரிக்க ஜனாதிபதி டொனால்ட் ட்ரம்ப் அறிமுகப்படுத்திய தொடர்ச்சியான பரஸ்பர நடவடிக்கைகளின் ஒரு பகுதியாக இந்த வரி 90 நாட்களுக்கு இடை நிறுத்தப்பட்டுள்ளது.
இலங்கைக்கு அண்மையில் விஜயம் செய்தபோது, சர்வதேச நாணய நிதியத்தின் துணை நிர்வாக இயக்குநர் கீதா கோபிநாத், வரி பேச்சுவார்த்தைகளில் அரசாங்கம் காட்டிய பாராட்டத்தக்க முன்னேற்றத்தை ஒப்புக்கொண்டுள்ளார்.
ஆனால், அவற்றின் முக்கியத்துவத்தை வலியுறுத்தியதுடன் இலங்கையின் ஏற்றுமதியில் அமெரிக்கா 25வீத பங்களிப்பைக் கொண்டுள்ளது என்பதைக் குறிப்பிட்டுள்ளார்.
