ஐரோப்பிய சுற்றுலாப் பயணிகள் வரும் ஜனவரி மாதத்தில் தென் மாகாணத்தை மையமாக வைத்து பொழுதுபோக்கு விழாவை ஏற்பாடு செய்யுமாறு அமைச்சர் ஹரின் மற்றும் சாகல ஆகியோருக்கு ஜனாதிபதி பணிப்புரை விடுத்திருந்தார்.
ஜனாதிபதி ரணில் 2015ஆம் ஆண்டு பிரதமராக பதவியேற்றதிலிருந்து ஒவ்வொரு வருடமும் ஜனவரி மாதம் இவ்விழாவை நடத்த முயற்சித்தார்.
ஆனால் அதனை உரிய முறையில் செய்ய முடியாததால் இம்முறை கண்டிப்பாகச் செய்ய வேண்டும் என அமைச்சர் ஹரினுக்கும் சாகலவுக்கும் ஜனாதிபதி ஆலோசனை வழங்கினார்.
அதற்கமைய, காலி இலக்கியப் பேச்சு மற்றும் புத்தகக் கண்காட்சி, மாத்தறை கலை விழா, அஹங்கம பேஷன் நிகழ்ச்சி, கொக்கல பறை நிகழ்ச்சி போன்ற பல கலைக் கூறுகளுடன் இவ்விழா நடைபெறவுள்ளது.
ஐரோப்பிய சுற்றுலாப் பயணிகளை வரவழைக்கும் நோக்கில் நடத்தப்படும் இவ்விழாவில் இலங்கைக்கே உரித்தான நிகழ்ச்சிகள் உள்ளடக்கப்பட்டுள்ளமை விசேட அம்சமாகும்.
கொழும்பிலிருந்து புறப்படுவதற்கு முன்னர் புதிதாக நியமிக்கப்பட்டுள்ள இந்திய உயர்ஸ்தானிகரை ஜனாதிபதி சந்தித்து கலந்துரையாடினார்.
ஜனாதிபதியுடனான கலந்துரையாடலின் பின்னர், அவர் தலைமை அதிகாரி சாகல ரத்நாயக்கவையும் சந்தித்தார், அங்கு அவர் நாட்டில் இந்தியாவின் முதலீடுகளின் முன்னேற்றம் குறித்து கலந்துரையாடினார்.
