உலகளாவிய ரீதியில் ஏற்பட்டுள்ள நெருக்கடியைச் சவாலாக ஏற்று, அனைத்து அரச துறைகளும் ஒருங்கிணைந்து செயற்பட வேண்டியது அவசியமென ஜனாதிபதி அநுர குமார திசாநாயக்க இதன்போது வலியுறுத்தினார். எரிபொருள், உணவுப் பாதுகாப்பு மற்றும் சுற்றுலாத்துறை சார்ந்த எதிர்கால அபாயங்களை முன்கூட்டியே முகாமைத்துவம் செய்வது குறித்து அமைச்சின் அதிகாரிகளுடன் விரிவாக ஆராயப்பட்டது.
எரிபொருள் மற்றும் எரிவாயு: தற்போது போதிய எரிபொருள் கையிருப்பில் உள்ள போதிலும், உலகச் சந்தை விலை மாற்றங்களைக் கருத்தில் கொண்டு மேலதிக இருப்புகளை முகாமைத்துவம் செய்ய அறிவுறுத்தப்பட்டது. எரிவாயு சேமிப்பு வசதிகளைக் குறுகிய காலத்தில் மேம்படுத்தவும் தீர்மானிக்கப்பட்டது.
நாட்டில் தட்டுப்பாடின்றி உணவு இருப்பதை அதிகாரிகள் உறுதிப்படுத்தினர். எவ்வாறாயினும், பணவீக்கம் உயராமல் இருக்கவும் சாதாரண மக்களின் வாழ்வாதாரத்தைப் பாதுகாக்கவும் ஜனாதிபதி பணிப்புரை விடுத்தார்.
சூயஸ் கால்வாய் மற்றும் ஹோர்முஸ் நீரிணை மூடப்படுவதால் ஏற்படக்கூடிய தடைகளைச் சமாளிக்க, கொழும்பு துறைமுகத்தைப் பயன்படுத்தும் சர்வதேச கப்பல் நிறுவனங்களுக்கு மேலதிக வசதிகளை வழங்க முடிவெடுக்கப்பட்டது.
விமானப் போக்குவரத்துத் தடைகளைத் தவிர்க்க மாற்று வழிமுறைகள் குறித்து ஆலோசிக்கப்பட்டதுடன், தற்போது நாட்டிலுள்ள சுற்றுலாப் பயணிகளின் பாதுகாப்பை உறுதி செய்யக் கோரப்பட்டது.
தரவு மையங்கள் (Data Centers) போன்ற புதிய முதலீடுகளை ஈர்க்க விசேட சலுகைத் திட்டங்களைத் தயாரிக்குமாறு ஜனாதிபதியின் சிரேஷ்ட ஆலோசகர் ஹான்ஸ் விஜயசூரிய தலைமையிலான குழுவிற்கு அறிவுறுத்தப்பட்டது.
மத்திய கிழக்கு பதற்றம் காரணமாக இறக்குமதி மற்றும் ஏற்றுமதிச் சங்கிலியில் ஏற்படக்கூடிய பாதிப்புகளைக் குறைப்பதன் மூலம், இலங்கையின் அந்நியச் செலவாணி கையிருப்பு மற்றும் பொருளாதார ஸ்திரத்தன்மையைப் பேண அரசாங்கம் முன்னுரிமை அளித்துள்ளது. எழும் கண்டனம் – தமிழர்தாயகம்.