பெண்களை வர்ணிக்கும் நாடாளுமன்ற உறுப்பினர்களை உடனடியாகக் கட்சியில் இருந்து நீக்குமாறு ஜனாதிபதியிடம் வலியுறுத்துமாறு பாராளுமன்ற உறுப்பினர் சாமர சம்பத் தசநாயக்க தெரிவித்துள்ளார்.
தங்களது கட்சியில் அவ்வாறு யாரேனும் நடந்துகொண்டால், அவர்களை உடனே பதவியில் இருந்து நீக்கப்போவதாகவும் அவர் குறிப்பிட்டுள்ளார்.
பெண்களை ‘அழகானவர்கள்’ உள்ளிட்ட சொற்களைக் கொண்டு வர்ணிக்கும் அமைச்சர்களை வைத்துக்கொண்டு எவ்வாறு கல்வியை முறையாக முன்னெடுக்க முடியும் என்று அவர் கேள்வி எழுப்பினார்.
ஆகவே, இது குறித்து ஜனாதிபதியும் கவனம் செலுத்தி, நடவடிக்கை எடுக்குமாறு அவர் வலியுறுத்தியுள்ளார்.
தற்போது மாணவர்களுக்குக் கல்வி கற்பிப்பதை விடுத்து நாடாளுமன்ற உறுப்பினர்களுக்குக் கல்வி கற்பிக்கப்பட வேண்டும் எனவும் அவர் குறிப்பிட்டுள்ளார்.
நாடாளுமன்றத்தை மக்கள் பார்த்துக்கொண்டிருப்பதால், ஆங்கிலத்தில் பேச முடியாதவர்கள் ஒதுங்கி இருப்பது நல்லது என்றும் அவர் சுட்டிக்காட்டினார். இல்லையேல், ஆங்கிலத்தைக் கற்றுக்கொண்டு வந்து உரையாற்றுமாறும் அவர் வலியுறுத்தியுள்ளார்.
