வெளிநாடுகளுக்கு வேலை வாய்ப்பு பெற்றுச் செல்வோர் குறித்த தகவல்
இலங்கையிலிருந்து வெளிநாடுகளுக்கு வேலை வாய்ப்பு பெற்றுச்செல்வோர் குறித்து புதிய புள்ளி விபரத் தகவல்கள் வெளியிடப்பட்டுள்ளன.
இதன்படி கடந்த 2022 ஆம் ஆண்டுடன் ஒப்பீடு செய்யும் போது 2023 ஆம் ஆண்டில் சிறு வீழ்ச்சியை பதிவு செய்துள்ளது.
2022 ஆம் ஆண்டுடன் ஒப்பீடு செய்யும் போது 2023 ஆம் ஆண்டில் வெளிநாட்டு வேலைவாய்ப்பு பெற்றுச்சென்றவர்களின் எண்ணிக்கை 4.3 வீதத்தினால் வீழ்ச்சியடைந்துள்ளது.
கடந்த 2023 ஆம் ஆண்டில் வெளிநாடுகளுக்கு வேலை வாய்ப்பிற்காக சென்றவர்களின் எண்ணிக்கை 297656 எனவும், 2022 ஆம் ஆண்டில் 311056 ஆக பதிவாகியிருந்தமை குறிப்பிடத்தக்கது.
மத்திய வங்கி அறிக்கையில் குறிப்பிடப்பட்டுள்ளது
இலங்கை மத்திய வங்கியினால் வெளியிடப்பட்டுள்ள ஆண்டறிக்கையில் இந்த விடயம் தெரிவிக்கப்பட்டுள்ளது.
2022 ஆம் ஆண்டை விடவும் 2023 ஆம் ஆண்டில் வெளிநாட்டு வேலை வாய்ப்பு பெற்றுச்சென்றவர்களின் எண்ணிக்கை 13400 வீழ்ச்சியடைந்துள்ளது.
கடந்த ஆண்டில் வெளிநாட்டு வேலை வாய்ப்பு பெற்றுச் சென்றவர்களில் 55.3 வீதமானவர்கள் ஆண்கள் என தெரிவிக்கப்படுகின்றது.
