ரணிலின் ஊரடங்கு சட்டத்தை விமர்சிக்கும் ஐரோப்பிய ஒன்றியம்
வாக்குப்பதிவு நிறைவடைந்த பின்னர் 14 மணி நேர ஊரடங்குச் சட்டத்தை திடீரென நடைமுறைப்படுத்தும் முடிவு பயனற்றது என ஐரோப்பிய ஒன்றிய தேர்தல் கண்காணிப்பு பணியின் தலைமை பார்வையாளர் நாச்சோ சான்செஸ் அமோர் தெரிவித்துள்ளார்
இலங்கையில் தேர்தல் கண்காணிப்பு பணியைத் தொடர்ந்து ஊடகங்களுக்கு உரையாற்றிய சான்செஸ் அமோர், அரசாங்கம் ஏன் சனிக்கிழமை இரவு 10 மணி முதல் மறுநாள் காலை 6 மணி வரை ஊரடங்குச் சட்டத்தை விதித்தது, அது 12 மணி வரை நீட்டிக்கப்பட்டது என்று கேள்வி எழுப்பினார்.
வரலாற்றில் இது மிகவும் அமைதியான தேர்தல் செயல்முறை என்று ஒரு அரச நிறுவனமான தேர்தல் ஆணையம் கூறிய அதே நாளில், ஊரடங்கு உத்தரவு பிறப்பிக்கப்பட்டது பொருந்தவில்லை என்று அவர் தெரிவித்தார்.
தம்மை பொறுத்தவரை இது பயனற்றது மற்றும் தேவையற்ற ஊரடங்கு உத்தரவு மற்றும் வாக்காளர்களின் சிறந்த நடத்தைக்கு பொருந்தவில்லை என்றும் அவர் விமர்சித்துள்ளார்
எனவே வாக்காளர்களின் முன்மாதிரியான நடத்தையை நாடு அங்கீகரிப்பது முக்கியம் என்று அவர் வலியுறுத்தினார்.
