நாட்டையே பேரழிவிற்கு உட்படுத்திய சமீபத்திய வெள்ளத்திற்குப் பிறகு, ஈரமான அல்லது வெள்ளத்தால் பாதிக்கப்பட்ட நாணயத்தாள்களை எவ்வாறு கையாள்வது என்பது குறித்து இலங்கை மத்திய வங்கி ஒரு பொது ஆலோசனையை வெளியிட்டுள்ளது.
ஈரமான நாணயத்தாள்களைப் பொதுமக்கள் மெதுவாகக் கையாளுமாறு அறிவுறுத்தப்படுகிறது.
நாணயத்தாள்கள் தண்ணீரில் நனைந்ததால் ஒன்றாக ஒட்டிக்கொண்டிருந்தால் (Stuck together), அவற்றைப் பிரிப்பதற்கு முயற்சிக்காமல் அப்படியே இருக்குமாறு அறிவுறுத்தப்பட்டுள்ளது.
இவ்வாறு மென்மையாகக் கையாள்வதன் மூலம், ரூபாய் நோட்டுகள் மேலும் சிதைவடைவதைத் தவிர்த்து, அவற்றின் மதிப்பை உறுதிப்படுத்த முடியும்.
இந்த ஆலோசனைகள், வெள்ளத்தால் பாதிக்கப்பட்ட பணத்தைச் சரியான முறையில் சேகரித்து, பின்னர் வங்கிகள் மூலமாகச் சுத்தமான அல்லது புதிய நாணயத்தாள்களாக மாற்றுவதற்கு உதவியாக இருக்கும்.
