images 3
இலங்கைசெய்திகள்

திருக்கோணேஸ்வரம் ஆலய மின்பிறப்பாக்கி இடத்தை வர்த்தக நிலையத்துக்கு வழங்க தொல்பொருள் திணைக்களம் வலியுறுத்தல்: பக்தர்கள் கடும் விசனம்!

Share

வரலாற்றுச் சிறப்பு மிக்க திருக்கோணேஸ்வரம் ஆலயத்தில் மின்பிறப்பாக்கி (Generator) வைக்கப்பட்டிருந்த இடத்தை, தனிப்பட்ட நபர் ஒருவர் வர்த்தக நிலையம் நடத்த வழங்குமாறு ஆலய நிர்வாகத்திற்குச் தொல்பொருள் திணைக்களம் கடிதம் அனுப்பியுள்ளது. இந்தக் கடிதம் ஆலய பக்தர்கள் மத்தியில் கடும் விசனத்தை ஏற்படுத்தியுள்ளது.

திருக்கோணேஸ்வரம் ஆலயச் சூழலில் அத்துமீறி வர்த்தக நிலையம் ஒன்றை அமைத்தவரின் கடையை, ஆலய நிர்வாக சபையினர் சுமார் 7 மாதங்களுக்கு முன்னர் அகற்றினர்.

இதைத் தொடர்ந்து, அந்த நபர் நிர்வாக சபைக்கு எதிராகக் காவல்துறையிலும், தொல்பொருள் திணைக்களத்திலும் முறைப்பாடு செய்திருந்தார்.

காவல்துறையினரால் இந்த விவகாரம் தொல்பொருள் திணைக்களத்திடம் பாரப்படுத்தப்பட்டது. இந்நிலையில், “ஆலயப் பகுதியில் வர்த்தக நிலையம் அமைக்கத் தாம் அனுமதி வழங்கியுள்ளதால், அவர் அதனை அமைக்க நிர்வாக சபையினர் மின்பிறப்பாக்கி வைத்துள்ள பகுதியை வழங்கும்படி” நவம்பர் 7ஆம் திகதியிட்டுத் தொல்பொருள் திணைக்களம் ஆலய நிர்வாகத்திற்குக் கடிதம் அனுப்பியுள்ளது.

ஆலய வளாகத்தில் காண்டாமணி பொருத்த ஒரு மணிக்கோபுரம் அமைக்க நிர்வாகசபை அனுமதி கேட்டும் தொல்பொருள் திணைக்களம் அனுமதியளிக்காத நிலையில், நிர்வாக சபை மின்பிறப்பாக்கிக்கு கூரை அமைக்க விண்ணப்பித்தும் அனுமதி வழங்காத நிலையில்,

இடிந்து விழும் நிலையிலுள்ள கோணேஸ்வர வாகன தரிப்பிடத்தை செப்பனிட அனுமதி கேட்டும் அதற்கு அனுமதிக்கப்படாத நிலையில், ஆலய பூசகரின் தங்குமிடத்தை சிறிது விரிவுபடுத்துவதற்கு அனுமதி தரப்படாத நிலையில்,

தனிப்பட்ட நபர் கோயில் வளாகத்தில் கட்டடம் அமைக்க தொல்பொருள் திணைக்களம் அனுமதி வழங்கியுள்ளமை குறித்து ஆலய பக்தர்கள் கடும் விசனம் வெளியிட்டுள்ளனர்.

Share
தொடர்புடையது
images 4 3
செய்திகள்இந்தியாஇலங்கை

இலங்கைக்கு ஆழ்ந்த இரங்கல் தெரிவித்ததுடன், உடனடி உதவிகளை அறிவித்தார் பிரதமர் மோடி!

தீவிரமான காலநிலை மாற்றங்களை ஏற்படுத்திக் கொண்டிருக்கும் “திட்வா” (DITWA) புயலின் காரணமாகத் தங்கள் அன்புக்குரியவர்களை இழந்த...

images 3 3
இலங்கைசெய்திகள்

இரணைமடு நீர்த்தேக்கத்தின் 14 கதவுகள் திறப்பு: கண்டாவளை பகுதி மக்கள் பாதுகாப்பான இடங்களுக்குச் செல்ல அறிவுறுத்தல்!

நாட்டில் தொடர்ந்து நிலவி வரும் சீரற்ற காலநிலை காரணமாக, கிளிநொச்சியில் உள்ள இரணைமடு நீர்த்தேக்கத்தின் 14...

images 1 4
இலங்கைசெய்திகள்

சுகாதாரத் துறைக்கு ஒரு வார காலத்துக்கு அவசர நிலை பிரகடனம்!

நாட்டில் ஏற்பட்டுள்ள வெள்ளம், மண்சரிவு உள்ளிட்ட அனர்த்த நிலைமைகளைக் கையாள்வதற்காக, சுகாதார அமைச்சு நேற்று (நவம்28)...

8556906 vijay
செய்திகள்இந்தியா

மாவீரர் தினத்தில் ‘தமிழ்த் தேசியத்திற்காகப் போராடிய மாவீரர்களை வணங்குவோம்’: தளபதி விஜய் நினைவுகூர்ந்து பதிவு!

தமிழ் மக்களின் விடுதலைக்காகப் போராடி வீர மரணமடைந்த மாவீரர்களை, தமிழ்த் வெற்றிக் கழகத்தின் (Tamilaga Vettri...